کەمپەینو ھەدەپەی جە ھۊلێر مانگۍ ۋەردەوام بۊ
کەمپەینو چنېتانمۍ'' پۍ ھامکاری کەرڎەو زەرەر ۋنە کۊتاو بومەلەرزەکاو سەرنېشتوو ۋەرنېشتوو کورڎسانی جە شارو ھۊلێری درێژکریاۋە پۍ ماۋەو مانگۍ ۋەردەوام بۊ.
کەمپەینو چنېتانمۍ'' پۍ ھامکاری کەرڎەو زەرەر ۋنە کۊتاو بومەلەرزەکاو سەرنېشتوو ۋەرنېشتوو کورڎسانی جە شارو ھۊلێری درێژکریاۋە پۍ ماۋەو مانگۍ ۋەردەوام بۊنە.نوێنەرایەتی ھەدەپەی داوا جە ھامۋڵاتیا کەرۊنە بەپاو تواناو ۋێشا و پەنەوازیەکا ڕۊزگاریشا ھامکارۍ کەمپەینەکەی با، تا جە ڕاو ھەدەپەیۊ ھامکاریەکۍ بېاۋانە دەسو ۋنەقۊمېایا بومەلەرزەکاو سەرنېشتوو ۋەرنېشتوو کورڎسانی.
نزیک بە حەفتێۋەن جە شارو ھۊلێری کەمپەینو"چنېتانمۍ" بە سەرپەرشتی ھەدەپەی جە تەرەفو سېاسیەکاو چالاکاو کەسایەتیەکاو شارو ھۊلێری پۍ ھامکاری کەرڎەو زەرەر ۋنەکۊتاو بومەلەرزەکا سەرنېشتوو ۋەرنېشتوو کورڎسانی ۋەردەوامېش ھەن.
ناھېد ئارمېش نۋێنەرو ھەدەپەی جە پانېشتو کورڎسانی بە ڕۊژنېوزیش ۋات: جە سەرەتانە کەمپەینەکە پۍ ماۋەو حەفتێۋە ئەرەیاۋیا، بەڵام بە مەڵامەتو کەمی ۋەختی و کەمی ھامکاریەکاۋە قەرارما دا کەمپەینەکەی پۍ ماۋەو مانگۍ ۋەردەوامیش بۊ، ھەتا فرەتەرین ھامۋڵاتېۍ ھامکاری پێشکەش بە ۋنەقۊمیایا بومەلەرزەکا سەرنېشتوو ۋەرنېشتوو کورڎسانی کەرانۍ.
ھ.ش
