کەمی غازی جە سنورو ھۊرامان-ی ، بېەن بە کێشەو سەرەکی ھامۋڵاتېا
کەمی غازی جە سنورو ھۊرامان و سەربە پارێزگاو ھەڵەبجەی سەرش ھۊردان ، ئا بڕە غازەی کە حکومەت کېانۊش پێشا بەششا مەکەرۊ ، فرەو ۋەختا ٢٠ ڕۋۍ کەرەتۍ ۋەکېلەکۍ غاز سەرو ھامۋڵاتېارە بەش کەرا .
ئارۊ دلۍ مەعمەل و غازو ھۊرامان- ینە جە کۊنگرێۋە ڕۊنامەۋانېنە ، ۋەرپرس و مەعمەلەکەی مەڵامەت و کەمی غازېش جە مەنتېقەکەنە پۍ ھامۋڵاتېا ھوست ڕووە .
لوقمان حەمەسەعېد ڕاۋەبەرو مەعمەل و غازو ھۊرامان- ی جە کۊنگرێۋە ڕۊنامەۋانېنە ۋاتش " ماۋەو زېاتەر جە ساڵێۋەن قەېران و کەمی و نەبېەو غازی جە کورڎسانەنە ھەن ، مەعمەلەکەو ئێمە جەۋەختی ئاساېنە کە ھېچ قەېرانێۋە غازی مەنتېقەکەنە نەبۍ ، مانگانە (٧) تەنکەرۍ غازما پۍ ئۍ و گرڎېچ تەمامیۍ ، ۋەلێم جە ۋەخت و ۋەش بېەو قەېران و غازېۊ بەشەکەما کەمش کەرڎەن بېەن بە (٥) تەنکەرۍ و ١٠ ڕۋۍ کەرەتۍ غازما پۍ مێو .
نامبرېا ۋاتش " جېاکارېۍ فرەکرېۊ جە مابەېن و مەعمەلەکانە ، ۋەختۍ تەماشەو جەدۋەلەو مەعمەلەکا کەرمۍ ، بەعزۍ مەعمەلۍ پەنج مانگۍ نېا مەرزېێنێرە مانگانە (٣) تەنکەرۍ غازشا پۍ مێو ، ۋەلۍ ئێمە ماۋەو پەنج ساڵان ھەرمانە کەرمۍ و خزمەت و ھامۋڵاتېا ھۊرامانی و خورماڵی و تەمامو دەگاېەکا مەنتېقەکەی کەرمۍ ، جە ئېسەنە تەنېا پەنج تەنکەرۍ غازما پۍ مێو .
ئاماژەش کەرڎ پانەی ، کە بە ھامن و زمسان مېقدارۍ فرەو غازېما جە کەرت و گەشتېارېنە سەرف بۊ، داواش جە ۋێڕاۋەبەرو نەوتۍ و کانزاکاو سلێمانی کەرڎ ، ئی جېا کارېە نازانۍ ،چونکېم فرەو مەعمەلەکاو مەنتېقەکەیما ٦ پۍ ٧ تەنکەراشا پۍ سەرف کەرا .
باسش چانەېچ کەرڎ ، چنڎېن کەرەتۍ داواما کەرڎەن ، ۋەلیم کێشەکەما چارەسەر نەکرېان ، ۋەکېلەکێما فشارێۋە فرەشا ئېنا سەر ، کەمی غازی جە مەنتېقەکەنە پەېۋەنڎېش بە ئێمۊ نېا پێما مەکېانا مەزانمۍ مەڵامەتەکەش چێشا .
ھاشم محەمەڎ غاز ۋرەشا بە ڕۊژنېوزېش ۋات ، من ٨٠ بتڵۍ غازم ھەن ، ٤٥٠ ېانێم ئېنۍ سەرۊ ، ئا بەشەی حەفتانە مرام پنە بەشما مەکەرۊ ، ناچارێنمۍ حەر حەفتەو ېاگۍ غازش سەرەرە بەشکەرمۍ ، چا مېقدارەیە کە مرڎاما پنە .
ھاشم ۋاتش ، فشارێۋە فرەما کۊتەن سەر، بە مەڵامەت و کەمی غازی ، گرفتێۋە فرەش پۍ من و ھامۋڵاتېا ۋەش کەرڎەن ، چونکېم مېقدارۍ کەماو بەشما مەکەرۊ و خەڵکېچ ۋەردەوام داواکەرۊ .
جە لاېێۋە تەرۊ ئارۊ خۊتان مەعمەلۍ غازی جە سلێمانی بە ھەمان مەڵامەت کۊنگرێۋە ڕۊنامەوانېشا ئەنجام داو ئەرەېاۋناشا " حکومەت مېقدارۍ کەم غازش پۍ سلێمانی تەرخان کەرڎەن ئانەېچ پاسەش کەرڎەن کە نەتاوا پێوېسی ھامۋڵاتېا شارەکەی پەڕ کەراۋە .
ھ.ئ
