کۆنگرەو گەلی دژ بە دەستگیری و زیندانی کەردەی جە وەرکەوتو کوردستانی ناڕەزایەتیش نیشانەدا و بانگەوازیش کەردەن، گەل بەسەرهۆردای دژ بە فاشارەکێ ڕژێمو ئێرانی بمدرۆنەوە و سەرجەم دەستگیرکریێکێ ئازادێ بکریانێ.
دژ بە دەستگیری و زیندانی کەردەی هاموڵاتیێ، چالاکوانێ سیاسیێ و مەدەنیێ و ژیوگەپارێزێ و ژەنی کە چوار هەفتێن بەفراوانی جە وەراسان (وەرکەت)و کوردستانی بەردەوامەن و تا ئیسە زیاتەر جە 100 کەسێ دەستگیرێ و زیندانیێ و بێسەروشۆنێ کریێنێ، دەستەو ڕاوەبەری کۆنگرەو گەلی جە ئەرەیاونایێوەنە ناڕەزایەتیش نیشانەدا.
جە ئەرەیاونایەکەنە دەستنیشان کریان: ماوێوەن رژێمو کۆمارو ئیسلامی ئێرانی پسەو نەریتی ستمکارانەو وێش دەستشدان گێرتەی و قۆڵبەس کەردەی چالاکوانە مەدەنی و سیاسیەکان، ژەنا، ژیوگەپارێزێ و کەسانیێ فەرهەنگیێ جە وەرکەوتوو کوردستانی. ئی سەرکۆتکەردەیەو گەلی و بە تایبەت کەسە چالاکەکێ کۆمەڵگاو مەدەنی شەرمەزار مکەرمێ و دوامان ئانەن، گەلەکەمان جە وەرکەوتوو کوردستانی جە وەرانوەروو ئی فشاراوە بێدەنگێ نەبانێ و و دەنگو ناڕەزایەتی وێشان بەرز بکەرانێوە.
کۆنگرەو گەلی جە درێژەو باگەوازیەکەیشەنە داواش کەردەن: جە سەرجەم شارێ و شارچێ و دەگایەکانە گەل دژ بە سەرکوت و فشارەکان بمجیارە مەیدان و سەرهۆردای دژ بە ڕژێمی ئەنجام بڎانێ و پەشتیوانی جە چالاکوانە دەستگیرکریایەکان بکەرانێ.
کۆنگرەو گەلی ئەرەیاونانش: بە گرد جۆرێ سیاسەتەکێ رژیمو ئێرای شەرمەزارێ مکەرمێ و مشیۆم ڕژێم بزانۆنە کە بە گێرتەی، ئەشکەنجەدای و جەداردای نمەتاوۆنە دەنگو گەلەکەیمان جە وەرکەوتوو کوردستانی کپ بکەرۆنەوە.
جە وەرکەوتی میانیەنە هیچ دەوڵەتێ نەتاوانش بە ستەم و گێرتەی و فشار دەنگو کوردی کپ بکەرۆنەوە، چراوەو ئازادیش بکۆشنۆنەوە. با کۆماری ئیسلامی وێشەرەبلۆوە و واز جە دژایەتی کوردی جە ئێرانەنە باوەرۆنە و جە زووتەرین وەختەنە دەستگیرکریێ سیاسیێ و مەدەنیەکان ئازادێ بکەرۆنە.
کۆنگرەو گەلی ئاشکراش کەدەن: قەیرانەکێ ئێرانی بەرهەمو نادادی، نەبیەی دیموکراس و ئازادی و هەر پاسە بە رەسمی نەشناسای مافەکێ کوردی و نەتەوەکانێ. تا ئی سیاسەتەیچە درێژەش ببۆنە بێگومان نارەزایەتی و سەرهۆردایچ درێژەشان هەن. گەلەکەمان جە وەرکەوتوو کوردستانی لایق و شایستەو ژیوایە ئازاد و دیموکراتیکیەن. پەنەوازەن پەی یاوای بە ئانەیە جە چوارچووەو سیستموو کۆنفدرالیسمی دیموکراتیکیەنە گەل وێش رێکبوزۆنە و تا یاوای بە سەرجەم مافەکانو وێش زیاتەر جە ویەردەی گوڕ بە کۆشای بڎۆنە.
