هامسەرۆکو گرڎیی دەم پارتی تونجەر باقرخان جە گلېرۊبیەیشەنە چنی گەلی جە لەندەن واتش، 'گرنگتەرین هێزو تەڤگەرو ئازادی کوردی، هەنگامنیاین چنی گەلی.'، هەرپاسە جەخت جە ۋەرپرسیاری ژەنا جە بنیاڎنیای گلېرگەو دیموکراتیکینە کریاوە.
جە مېیانو گلېرگەو کوردینە جە لەندەنو پایتەختو بەریتانیای، جە لایەنو ئەنجوومەنو ژەنا ژیۋای و ئەنجوومەنو گەلو کوردیوە گلېرۊبیەو گەلی ئەنجام دریا. بەشداریێوە فرە جە گلېرۊبیەکانە بې.
نوویسەر و بەرئاوەر ئیلهام بەکر گلېرۊبیەکەیش ڕاوەبەر کەرڎ، جە گلېرۊبیەکەینە هامسەرۆکو گرڎیی پارتو یەکسانی و دیموکراسی گەلا (دەم پارتی) تونجەر باقرخان و ئەندامۊو تەڤگەرو ژەنا کوردی مەراڵ چیچەکە پېسە قسەکەری بەشدارې بێنې.
تەڤگەرو کوردی و جوڵێوە کاریگەر جە ناوچەکەنە
تونجەر باقرخان جە گلېرۊبیەکەنە سەرنجش وست سەرو پێشئامای و ڕووەدایە هەرێمییەکا و جەختش جە گرنگی و کاریگەری دەورو گەلی کەردۆ و واتش؛ "'گرنگتەرین هێزو تەڤگەرو ئازادی کوردی، هەنگامنیاین چنی گەلی." هەرپاسە ئاماژەش پانەی دا سیاسەتو تەڤگەرو کوردی جە تورکیا و ۋەرکۊتوو مېیامینینە جوڵێوە گرنگ و کاریگەرا. باقرخان ئاماژەش پانەیچ دا دەم پارتی نوێنەرو گرڎو پێکئامای و چینەکان و پارێزنای جە مافەکاشا مکەرۆ.
باقرخان ئاماژەش بە دەورو جەهەپەیچ کەرد جە پرۆسەکەنە و جەختش چانەیە کەرڎۆ پەی چارەسەری دیموکراتیکی پەنەوازا جە تورکیانە سەرجە نۆ مێزەو گفتوگۆکەردەی ئەرەمەرزیۊراوە.
بنیاڎ نیای ئاشتی و گلېرگەی دیموکراتیک ئەرکو ژەنان
دماتەر مەراڵ چیچەکە مافو قسەکەردەیش هۊرگېرت و ئاماژەش پانەی دا دەسوەڵێوستەی پرۆسەکەی ئینا دەسو ڕابەر ئاپۆینە و واتش: "مەشۊم ئی پرۆسە جە دووې ئاستێنە هۊرسەنگیۆ. جە لېوە ڕابەر ئاپۆ چنی دۊڵەتو تورکی ئاستو یاسایی پرۆسەکەی هۊرسەنگنۆ، جە لېوەتەرۆ پەی بنیاڎنیای گلېرگەی دیموکراتیکی ۋەرپرسیاریێوە گۊرە گنۆ سەرو شانا ژەنا. پەنەوازا بە سەرمەشقایەتی ژەنا ئاشتی و گلېرگەی دیمورکراتیکی بنیاڎ بنیەیمې."
