کۆنگرە ستار ئەرەیاۋناش: "زیلانە جە ڕاو جەنگەوانی ۋێشۆ، جە ڕاو جابەجێکەردەی ئەرکەکاش ۋەرا ۋەر بە گەلەکەیش، بە هەوڵەکاش پەی بنیاڎ نیای گلېرگەی دیموکراتیکی و ئەخلاقی و سیاسی و ئیکۆلۆژیی ئازادی، سەرجەنۆ ژیۋایش پێناسە کەرڎۆ".
زیلانەی کۊششکارە (زەینەب کناجی)ە جە ٣٠ ی حوزەیرانو ١٩٩٦ دژو هەوڵو تیرۆرکەردەی ڕابەر ئاپۆی کە ٦و ئایارو هەمان ساڵی جە دیمەشقەنە ئەنجامدریا، جە دێرسیمەنە چالاکیێوە فیدایش دژو سەروازا دۆڵەتو ئەرەگیرو تورکی ئەنجامدا.
بۊنەو ٢٩ەمین ساڵیاڎو گەشمەرڎەبیەو زیلانېوە، کۆنگرە ستار ئەرەیاۋنێوە نویسیاش وەڵاکەرڎۆ.
سەرەتاو ئەرەیاوناکەینە، زیلانە و گرڏ و گەشمەرڏا مانگە و حوزەیرانی، گەشمەرڏە سەما یوجە و ڤیانە و ڕەهشان و ئەلەفتێریا یاڏکریێوە، ماچۆنە، ئی گەشمەرڏێ بە جەسە و وێشا سردێوە بەرەو ئازادیشا خوڵقنا.
هەرپاسە ئاماژە پانەی کریان، گەشمەرڏە زیلانە بە چالاکییە سیمبولە نەمرەکەیش و فەلسەفەو ئەوەکۆشای ژەنی ئازادە جەنگ و ڕۆشن فکر و سیاسەتمەدار و پەیوەس بە دۆزو گەلەکەیش نیشانەشدا.
ئەرەیاوناکەینە ماچۆنە: "ڕابەر عەبدوڵا ئۆجالان گەشمەرڏە زیلانەش پێسە و مانیفێستۆو ئازادیی ژەنەو سەدەو ویسی پێناسە کەردە و واتش، هەڤاڵ زیلانە فەرماندێ منەنە، من جەنگاوەر و ڕا و ئارێنا. هەرپاسە ڕابەر عەبدوڵا ئۆجالان جە زیلانێنە مۆدێلوە ژەنێ وڵاتپارێزە وکوردیش وینا کە ڕەگ و ڕیشەی قووڵش جە ڕێبازو سۆسیالیستینە کوان. هەرپاسە بە شاژەنە و گەشمەرڏا تەڤگەرو ئازادیی کوردەسانی و نموونەو ژەنێوە ئازادە و بوێری نامێش بەردێنە".
جە ئەرەیاوناکەینە ئامان: " زیلانە ڕاو جەنگاوەری وێشۆ، ڕاو جابەجێ کەردە و ئەرکەکاش وەراوەر و گەلەکەیش، بە هەوڵەکاش پەی بنیاتنیا و گلێرگێوە دیموکراتیکی و ئەخلاقی و سیاسی و ئیکۆلۆژیی ئازاد، سەرجەنۆ ژیوایش پێناسە کەردۆ. چالاکییەکەش جە ئەڏابییەی تازەش پەی تەڤگەرو ئازادیی کوردەسانی و سەرەتاو ئاسۆیێ تازەش پەی سوپابییە و ژەنا. زیلانە کۆتوبەندەکێش ماڕێ و جەسە و وێش پێشکەشکەرد بە ڕاو ئاشتی و ڕزگاریی جە کۆیلایەتی".
جە ئەرەیاوناکەینە واوەی کریانۆ، گەشمەرڏە سەما یوجە و چنین گەشمەرڏێ تەرێ بیێ شۆنکەوتە و گەشمەرڏە زیلانێ، ماچۆنە: "قەول پەی هەڤاڵ زیلانێ و ڕابەر ئاپۆی تازە مکەرمێوە، درێژە بە ڕاو ئەوەکۆشای مرەیمێ تا ئامانجو گەشمەرڏا بەدی مارمێنە و یاومێنە ئازادیی ژەنا و دیموکراسی و ئاشتیی حەقەتینە بە پاو ئایدۆلۆژیاو مانیفێستۆو گلێرگە و دیموکراتیکی".
جە ئەرەیاوناکەینە بەشێوە جە نامەکەو گەشمەرڎە زیلانێ پەی ڕابەر ئاپۆی وەڵاکریانۆ.
