میدیاکې ئەمریکای ئەرەیاۋناشا، دۆناڵد ترەمپ فشارەکاش پەی سەرو بنیامین ناتانیاهۆی سەرۆک وەزیرانو ئیسرائیلی زیاڎ مکەرۆ پەی دەسهۊرگېرتەی جە جەنگو غەززەی، گەرەکشا دمایی بە گرڎو ملەملانەکا جە جەهانەنە بارۊنە، ترەمپیچ ماچۆ: ئاېێربەس جە غەزەنە نزیکا.

ڕەنگە چی حەفتەنە ئاېێربەسو غەززەی ئەرەیاۋېیۆ

دۆناڵد ترەمپ، سەرۆکو ئەمریکای بە ڕۆنامەنویسا وڵاتەکەیش ئەرەیاۋنان، گەرەکشا دمایی بە گرڎو ناکۆکییەکا جەهانی بارۆنە، تەنانەت ئەر پەیوەندیشچش بە ئاژەو ئەمریکایچۆ نە بۆ. ترەمپ جە بارەو غەززەیۆ واتەنش: " خەڵک جە کەرتو غەززەینە گیان جە دەسمڎا، حیچ کەسێوە نییا هامکاریشا بکەرۆ بە ئێمەیچۆ، تەسەور مکەرمې ئی حەفتە ئاېێربەسو غەززەی ئەرەیاۋېیۆ."

دیبلۆماسییەت جە بارەو پرسو غەززەی؛ حەماس ئامادەیش بەربڕیەن

پېوەس بە دمایئاردەی بە جەنگو غەززەی ئینەش واتەن: "چنی کەسانی پەیوەندیداری بە دۆسییەو غەززەیۆ قسێش کەردێنې پەی مردنای جەنگو ئیسرائیلی و حەماسی جە خاکو فەڵەستینینە، حەماس ئامادەیش بەربڕیەن، ئامادەن پەی ئازاڎکەردەی بارمتەکا جە غەزەنە پېسە بەشێوە جە هەر ڕێککەوتەیۍ، کە ئامانجش دمایېاردەی بۆ بە جەنگی."