پاژک بە ڕێز و وەشەسیایی پنەزانایۆ، هەمڕا زیلانە (زەینەب کناجی)ەش یاڎئاوردۆ کە هێڵۊو فیداییش دەسپنەکەرڎە، هەرپاسە سەما و گوڵانەس یاڎې ئاوردې کە بیې بە شۊنکۊتې زیلانې، واتش: "مانگۊو حوزەیرانی جە ئەوەکۊشای ئازادیی ژەنامانە مانگۊو ژەنە فیداییانە."
کوردیناسیۆنو پاژکی سەرو ماڵپەڕو ۋێشۊ بۊنەو ساڵیاڎو گەشمەرڎەبیەو هەمڕا زیلانې (زەینەب کناجی) ئەرەیاۋنێوە نویسیاش وەڵاکەرڎۆ و واتش: "مانگۊو حوزەیرانی جە ئەوەکۊشای ئازادیی ژەنامانە مانگۊو ژەنە فیداییانە."
ئەرەیاۋناکەو پاژکی پی جۊرەنە:
"هەمڕا زیلانە (زەینەب کناچی)یە کە بە چالاکییە گۊرەکەیش پەی ژیۋایې ئازادی و ماناڎاری هێڵۊو فیدایبیەیش خوڵقنا یاڎ مارمېوە: هەمڕا سەما (سەما یوجە) و هەمڕا گوڵانە (فیلیز یەرلیکایا) کە شۊنکۊتې هەمڕا زیلانېنې، بە ڕێز و وەشەسیایی و پنەزانایۆ یاڎې مارمېوە.
جارێوەتەر چالاکییە گۊرەکەو هەمڕا زیلانې و ئازادی ژەنا تاجدار مکەرمې پا بۆنۆ ٣٠ی حوزەیرانی پیرۆز مکەرمې.
هەرپاسە جارێوەتەر دڵسۆزییما بە مەبەسو یاڎئاوردەیۆ هەمڕا ڕاپەڕین ئامەدې، بێریڤان زیلانې، لەیلا ئاگریې و گرڎو گەشمەرڎا ئەوەکۊشای کە جە مانگۊو حوزەیرانینە بەشدارې قافڵەو گەشمەرڎا بیې بەربڕمې. بەدیئاوردەی وەرمەکاشا پەی ژیۋایې ئازادی گۊرەتەرین ئەرک و ئامانجمانە.
هەمڕا فیداییەکېما، بە ژیۋای و گەشمەرڎەبیەیشا، پەی ژەنا پیمەرەکې ژیۋای ئازادیشا دەسنیشانکەردې. هەمڕا زیلانە، بە واتەی "گەرەکما ژیۋایې ماناڎار و چالاکیێوە گۊرەم بۆ"، پەی پرسیارەو 'ژەنی ئازادە چنی مژیۋۆ؟' پیمەرێوەش دیاریکەرد. ۋەرو ئی مەڵامەتیچە جە تاریخو ئێمەنە پېسە خوڎاوەنڎەو ئازادی یاگێش گرتێنە.
هەمڕا سەما بە واتەی 'جە ئاسمانەنە دووې ۋەرەتاوې نمەبا' پرەنسپو ژیۋای فیدای و پیمەرو ژیۋایش نیشانەدا. هەمڕا سەما گرڎو ئا ئەوەمەڼنې کە ژەنا جە ژیۋایې ئازادی دوورې وزاوە شۊچنا و هەڵوێسێوەش نیشانە دا کە هێڵۊو ئازادی وزۆنە پراکتیکۆ.
هەمڕا گوڵانە پەی ئانری خاوەندارێتی جە ژیوای ئازادی بکەرۆ کە ڕابەرایەتی گوزارشتش چنە مکەرۆ، پەی ئانەی جە دژو پیلانگێڵی مییاننەتەوەیی جە دژو ڕابەرایەتی بۆنە وەڵامگۆ، هێڵە وفیداییش هەمیشەیی کەرد و چی واتێنە بییە بە کەسایەتیێ سەرمەشقە.
پاسە دیارا سەر و ئی جوگرافیایە ژیوای و ئازادی ئاسان نییا. ئازادی و بییەی پەنەوازیش بە هۆشیاری قووڵ و چالاکی بەهێز هەن. ئینسان مشۆم ئازا بۆنە ئا حەقیقەتەی هەستش پنە مکەرۆ پارێزنۆش و بە پاو ئانەی بژیوۆنە. وەر و ئینەی پەی ژیوایێ ئازادی قوربانی گۆرەش دان،.
بە نامێ ئا کەسا کە ئەوەکۆشایێ گۆرەشا پەی ئازادی و ئاشتی پێسە و زیلانەکا، گوڵانەکا و سەماکا بنیادنیان ماچمێنە: ژیوایێ ئازاد و مانادار حەقیقەتو بنەڕەتی ئێمەن، هەرگیز دەستبەردارش مەبیمێ. ژیوای ئازاد ژیوایێ کۆمیناڵا کە پێوەرە و بە هامبەشی بەردەوامیش پنە دریۆنە؛ ئەوەکۆشای پەی ئی ژیوایە بەردەوام بۆنە. بە گرڏ و هێزیماوە خەبات مکەرمێ پەی ئانەی ژیوایێ دادپەروەرانە بنیاد بنییەیمێ کە تاکگەرایی، وێپەرستی، بێ وەشەویسی و بێڕێزیش دلێنە نەبۆ. بە پاو ئا پارادایمەی کە جە مانیفێستۆو ئاشتی و گلێرگە و دیموکراتیکی دەسنیشان کریان، بە ئیرادە، ڕێکوزتەی و کۆششکار مەنۆوە.
پێسە و ژەنێ کوردی جە هێڵە و زیلانێنە جەنگما کەرد و بییەیما بەدەس ئارد. مزانمێ کە ژەنی با هێزەی کە جە تاریخو وێشا هورش گێرا و ئا هەڵوێسر و ڕێکوزتەی و شکۆمەندەی ئارۆی نیشانەش مرا، جە بنیادنیا و گلێرگە و دیموکراتیکینە دەوری سەرمەشق گێڵنا. ژەنی بانە خوڵقێنەرو فاڕییای و ژیوای ئازاد.
ڕاپیمای ئازادی ئینسان و کوردەسانیا. جە فۆرمولەو 'ژەنی، ژیوای، ئازاد'ینە. ژیوای چنی ژەنێ، ئازادی بۆنە ئامیانو گرڏ و شۆڕش و ئەوەکۆشاییە سۆسیالیستییەکا.
جە جوگرافیاو ئێمەنە پەنەوازا بژیادنیا و ژیوایێ هامبەش سەر و بنەماو یاگێ نەتەوەیەکی دیموکراتیکی، جە گرذ کاتێ زیاتەرا. پەی بەرژەوەندی دەسەڵاتدارا، ژیوای ئینسانی بە نەبییەی هەژمار کریۆنە. چارەسەرو ڕابەر ئاپۆی، ڕزگارکەردە و وەرکەوتوو مییامینی و ئینسانییا. چارەسەری دروسا پەی ئا کەسا دلێ هەرمانێ و کۆمکووژیی گۆرەینە مەنێنێ.
ئارۆنە بە ئاشکرا بەر گنۆنە، پەنەوازا گرڏ و ژەنا و چەوەسییەکێ و هێزە دیموکراتیکەکا ئەوەکۆشای هانبەش پەرە پنەدانە دژو هێڵە و مرە_بکوژا کە سیستەمو دڕندەی سەرمایەداریی گەرەکشا ئینسانش پەی پەلکێش بکەرۆ، دژو ئی سیستەمە پیاسالارییە کە جە ڕاو جەنگو جەهانی یەرەمیۆ جگە جە هەرمانێ و ونی و هەڵسی هیچش پەی ئینسانییەتی ناردەن.
ژەنی مشۆم سەر و حەقیقەتو زیلانێ، پەی ژیوایی ئازاد و مانادار بە گرڏ و هێزیشاوە سەرفەربەرێ بانە.
حەقیقەتو زیلانێ نامێ ژیوای تازەین. ڕۆشنگەری ژەنا جە لایەنو فەلسەفەی، ئایدۆلۆژیا و فیکرەین. با زانابییەی هێزو وێشا سەر جەنۆ بنیاد نریۆوە و دژو سیستەمو قڕکەردەی و دووژمنو ژەنێ، ئەوەکۆشایێ ڕادیکاڵ و چالاک بەرا ڕاوە. ژیوای ئازاد و مانادار سەر و ئی هێڵێوە بنیادنریان، بۆنە ژیوایێ سەر و بنەماو زانابییە و ژەنێ. دادپەروەری، وەشەویسی، یاواینە و ئەخلاقی و ئێستاتیک. پەی ئانەی یۆتۆپیایێ ژیوایێ پاسە حەقەتینە بە دی بێ، بانگەواز جە گرڏ کەسێ مکەرمێ کە جەهانو گۆرە و زیلانێ و کەسایەتییە چالالییەکا ڕاس یاوانە و جابەجێش بکەرا.
جارێوە تەر گەشمەرڏەکێما کە کوردەسانشا بە جەهانی ئشناسا، ئەوەکۆشایێ ئازادو ژەناشا پەرە پنەدا و بیێ نوێنەرو هێڵە و سۆسیالیزمی، بە ڕێز، وەشەویسی و پنەزانای یاڏ کەرمێ. بانگەواز جە گرڏ کەسێ ملەرمێ کە سەر و هێڵە و گەشمەرڏا ئەوەکۆشای فراوانتەر بکەرا، بڕۍ بە هێزتەر خاوەندارێتی جە بەهاکا ئازادییما بکەرا و ژیوای قازانج بکەرا."
