شار و زیوریخو سویسراینە، فیستیڤاڵو ساکینە جانسزێ پەی یاڏکەردەیۆ کادرەی سەرمەشقە و پەکەکەی ساکینە جانسزێ کە ٩و کانوونو دووەمی ٢٠١٣ پاریسو پایتەختو فەرەنساینە گەشمەرڏێ کریا، دەسش پنەکەرد. فیستیڤاڵەکە بە سەرمەشقایەتی یۆبییە و ژەنا کوردی سویسرا (یەژەکە_سە) و بە پەشتگیری زیاتەر جە ٢٠ ڕێکوزیایا و دەسوەڵ وستە و ەژنا، ئێساڵ بە درووشموو "دەسکەوتەکا ژەنا پارێزمێ، بە 'ژەنی ژیوای ئازادی' گلێرگە و دیموکراتیکی بنیات منییەیمێ" جە مێڏاو (Kasernenareal) جە زیوریخەنە ئەنجام دریۆنە.

مێڏانو فیستیڤاڵەکەی بە پۆستەرێ ڕابەر ئاپۆی و ئا ژەنە شۆڕشگێڵا جە ئەوەکۆشای ئازادیینە گەشمەرڏێ بیێ، ڕازیاوە و درووشموو "ژەنی ژیوای ئازادی" جە مێڏانەکەنە دەنگش داوە. پێسە و هەر ساڵێوە، ئێساڵیش خێمێ گۆارانی واچا ژەنی و مێزەو  کتێبەکا کریاوە، یاگێ گەمە کەردەی پەی زاڕۆڵا نریارە. جە مێزە و هۆشیارکەردەیۆ، ئاماژەکریا بە پارادایمو ئازادیوازی ژەنا ڕابەر ئاپۆی.

'بە ژەنی ژیوای ئازادی، گلێرگەو دیموکراتیکی بنیات منییەیمێ'

فیستیڤاڵەکە بە دەقێوە مردای پەی گیانو گەشمەرڏێ ئەوەکۆشای شۆڕشی دەسش پنە کەرد. سەرەتا ڕێکوزیاکا ژەنا لوێ سەرو سەکۆی و سڵامشا جە بەشداربییەکا کەرد.

واتەواچە و یەژەکە_سە سەلما سورەرە، واتش: "ئارۆ شمە مێمانە و هەڤاڵ ساکینەی و هەڤاڵ ڕوناهی و هەڤاڵ ڕۆژبینێ و هەڤاڵ ئەڤینێ و هەڤاڵ زیلانێندێ. ئارۆ پێوەرە بە 'ژەنی ژیوای ئازادی' گلێرگەی دیموکراتیک بنیاد منییەیمێ. پێوەرە ئەوەکۆشای ئازادیی ژەنا کوردی بڵند مکەمێ".

هەرپاسە سەرنجش وست سەرو پرۆسەو ئاشتی و گلێرگە و دیموکراتیکی کە ڕابەر ئاپۆ دەسش پنەکەردەن و واوەیش کەردۆ، پێسە و ژەنا پشتگیری چی پرۆسەیە بەردەوام مکەرمێ.

دماتەر گرووپو دەفی لوێ سەر و سەکۆی و فیستیڤاڵەکە بە بەرنامەی جیاواز بەردەوام بی.

حەر جە فیستیڤاڵەکەینە چنین هونەرمەندێ بەشدارێ بێنێ و هونەرو وێسا پێشکەش مکەرا.