فیدراسیۆنو دیموکراتیکی عەلەوییەکا (فەدا) بۊنەو ساڵیاڎو گەسمەرڎەبیەو شێخ سەعیدی و هەمڕایاشۆ ئەرەیاۋنێوە نویسیاش وەڵا کەرڎۆ.

جە ئەرەیاۋناکەینە ماچۆ: " ئێمە شێخ سەعید و هەمڕاکێش و ئەوەکۊشایشا کە سەدێوە چێوەڵی بە ناحەق کوشیې بەڕێزو پنەزانایۆ یاڎې مارمېوە و ئا زیهنیەتەی ئاڎێش کوشتې شەرمەزار مکەرمې".

فەدا ئەرەیاۋنۊش شێخ سەعید و هەمڕاکېش دژو ناهەقی و ستەمی مڎرامانێوە شکۆڎارشا وەڵێوست، بەدەنگێوە بەرز داواو ماف و ئازادی و یەکسانی و دادپەروەریی گەلو کوردیشا بەربڕی و پەی ئانایچ فیداکاریێوە گۊرەشا کەرد.

فەدا جە ئەرەیاۋناکەینە سەرنج وزۆ سەرو سیاسەتەکا نکۆڵی دۆڵەتی دژو عەلەوییەکا و شۊنکۊتەکا ڕێبازو شافیعی، ماچۆ: "بە دلېنەبەردەی ڕەهەندە کۆمیناڵ و ئەخلاقی-سیاسیەکا باوەڕیەکەی، هەوڵشا دا جە لایەنو دۊڵەتیوە قۆرخش بکەرا. شێخ سەعید و سەید ڕەزا بیې بە سیمبولې مڎرامانی پەی پارېزنای ئی کۆمەڵایەتی بیەیە".

فەدا ماچۆ: "پېسە فەدای گەرەکمانە بە ئازادیی بە باوەڕ و کەلتوور و شناسنامەو ۋێماوە بژیومې. میراتو شێخ سەعیدی و هەمڕایاش کە پەی هەمان ئامانجی ئەوەکۊشێنې، بە شکۆوە هۊرگېرمۍ و یاڎی بەرزو ئاڎیشا بە ڕێزۆ ویر مارمېوە".

فەدا جەخت مکەرۆوە، گەشمەرڎەکەردەو شێخ سەعیدی و هەمڕایاش زامېوە قووڵا و حەجگیز ئی نادادییە جە یاڎ نمەکریۆ، ماچۆ: "پی بۆنۆ، باوەڕما بە ئەوەکۊشای ماف و دادپەروەری و ئازادیی گەلو کوردی واوەی مکەرمېوە و هیواما پەی ئایندێوە هامبەشی و یەکسانی و شکۆداری پارېزنمۍ".