دەسەو ۋێڕاۋەبەری کۊنگرەو نەتەۋەیی کورڎسانی (کەنەکە) جە بارۊو قەرارو پەرلەمان و فېدراڵی ئەڵمانېای پۍ بە جېنۊساېد ئەشناساو کۊکوشی ئێزېدېەکا ئەرەېاۋنێۋەش ۋەڵا کەرڎۊ .

دەق و ئەرەېاۋناکەو کەنەکەی :

 بە جېنۊساېد ئەشناساو ئێزېدېەکا جە لاېەن و پەرلەمان و فېدراڵی ئەڵمانېایۊ قەرارێوی گرنگا ھام ۋەخت چنی پەرلەمان و ېەکێتی ئۊروپای و ١٠ دۊڵەتۍ تەرۍ ، پەرلەمان و فېدراڵی ئەڵمانېای-چ کۊکوشی دژو خەڵکو ئێزېدېما جە ساڵەو ٢٠١٤ ېش بە جېنۊساېد قبوڵ کەرڎ ، " کەنەکە "ېچ ئی قەرارشە بە گرنگ زانا .

جە ساڵەو ٢٠١٤ ی ھامۋڵاتېۍ ئێزېدېێما ڕوەو ڕوو ھجومێوی بېێۋە جە لاېەن و چەتەکا داعشېو بەعزۍ جە ھامکارەکاشاۋە کە ئامانجشا کۊکوشی و دلێنەبەرڎەو ئێزېدېەکا بۍ ، داعش بە تەنېا ئی ھەرمانێشە نەکەرڎێنە ، بەڵکم بە ھامکاری بەعزۍ جە دۊڵەتە ھەرێمېەکا ئەنجامشا دان .

قەرارەکەو پەرلەمان و فېدراڵی ئەڵمانېای پۍ بە جېنۊساېد ئەشناساو ئێزېدېەکا قەرارێوی ئەرێنېن ، ۋەلێم پۍ ئەرەچارەو کێشەو گرفتەکا ھامۋڵاتېا ئێزېدېماو تېمارکەرڎەو زامەکاشا ۋەسۍ نېا .

داواکاری و چەمەڕۋانیەکۍ " کەنەکەی " بەپلەی ېۋەم جە مېان نەتەۋە ېەکگرتوەکا و ېەکێتی ئۊروپای و گرڎ ئا دۊڵەتۍ کە کۊکوشی ھامۋڵاتېا ئێزېدېشا بەجېنۊساېد ئەشناسان ،

ئانەنە کە پەنەۋازېش بە چن قەرارێۋە ھەن ۋەرو ئانەی ئی جۊرە جېنۊساېدە سەرو خەڵکی ئێزېدېمارە واۋەی نەبۊۋە ، سڵامەتی ئا خەڵکېە مسۊگەر کرېۊنە .

" کەنەکە " بە پەنەۋازش مزانۊ کە ڕێکوزېا نێم دۊڵەتېەکۍ بە ۋەرپرسېاری ۋێشان ھوربێزا و بە پاو پرەنسېپەکا ئەرە چارەو کێشەو ئا خەڵکەی کە دەس و جېنۊساېدېۊ ناڵنا ھەڵوێسشا بۊ.

*مسۊگەرکەرڎەو سڵامەتی ئێزېدېەکا جە شەنگال و ئا کەسۍ کە چا ئەرەنېشتێنۍ .

*قبوڵ کەرڎەو ئېراڎەو خەڵکی ئێزېدی، دڎان نېای بە ېاگۍ فەرمی پۍ مەنتېقەو شەنگالی .

*داڎگاېکەرڎەو چەتەکا داعشی و ئا ھێزۍ کە دەسشا جە جېنۊساېدەکەنە بېەن .

*پەنەۋازەن خەڵکو ئێزېدی جە شەنگال ، جە ھجومەکا پارێزېا ، بە تاېبەت ئا ھجومۍ کە جە لاېەن و ترکېەېۊ ئەنجام درېا .

*دەسپنەکەرڎەو پڕۊژەکا پۍ ئاوەڎانکەردەېۊ شەنگالی ، چێرو سەرپەرەشتی خەڵکو مەنتېقەکەېنە .

*ڕەخسناو دەرفەتۍ پۍ گێڵاېۊ خەڵک و ئێزېدی پۍ ېاگۍ ۋێشا .

ھ.ئ