جە دلی کورسانی و بەری چۊ کۊشییای پەی ئازادی بەیەن‌ و ڕابەر ئاپۆی بەردەوامیش هەن‌ و تامێ داواکەرڎەو ئازادی بەیەن و ڕابەر ئاپۆی فراوانتەر بۊنە. ماوەو ٤١ مانگان هیچ ئەرەیاوناێوە جە ڕەوش و ڕابەر ئاپۆو هەڤاڵەکاش نییا جە زینان و ئەیمڕاڵینە، ئینەیچ بېیەن بە مەڵامەت و تووڕەبییەو نیگەرانی گلیرگەو کورڎی و هەر مرۊڤێوە ئازادی وازی جە سەرانسەرو دنیێنە.

گۊشەگیری سەرو ڕابەر ئاپۆی جە لایەن و دۆڵەت و فاشیست و تورکیۆ بە هامکاری ناتۆی، دوور جە هەر پێوانێوە مرۊیۆ وەڕاوە بریۊنە. ماوەو ٤١مانگان ڕانەدریان پانەی کە بنەیانەکەش‌ و پاریزەرەکیش چەمشا بە ڕابەر ئاپۆی گنۊ، پی مەڵامەتۆ هیچ ئاگایېوە بە ئاژە"دۊخ"و تەندروسی ڕابەر ئاپۆی و هەڤاڵەکاش نیا.

دژو ئی گۊشەگیریەو ڕابەرایەتی جە ٢٠و تەمووز و ٢٠٢٣ێوە کۊشییاو ئێشک گېرتەی پەی ئازادی بەیەن‌ و ڕابەرایەتی وەڕاوەبریۊنە و بەردەواما، بەشداربېیاو کۊششکارا هەوارگەو مەخموری پا سەرو ئانەی گېرارە تاکو بە ئازادبییەو بەیەنی ڕابەرایەتی و هەڤاڵەکاش جە زینان و ئیمڕاڵینە، جە کۊشییایشا بەردەوامێبانە کە پەی ٤١٢ڕوان گلیرگەو مەخموری بەردەوامێنی چی کۊشییایە.

جە میانەو وەڕاوە لواو یەرەمین کۊنفرانس‌ و ئاشتی و دیموکراسی شارو بەرلینینە جە ئەڵمان، پانێڵوە بە نام نیشان و "گۊشەگیری و ئەرەبڕیەیرە جە ئیمڕاڵی" وەڕاوە لواو، هام سەرۆک و ئیهەدەی ئەرەیاوناش کە: "دۆڵەتو تورکی تەمام‌ و یاسایەکاش بن پا کەرڎېنێ‌ و هەرچی ڕېکوزیێ میاڼەتەوەیێچەنۍ بەشېوېوی فراوان دوور جە هەر مۆڕاڵێوە ئەخلاقی مرۊی ئاژەو گۊشەگیریشا پەش گۊش وستەن".

هامکات پاوڵ گاڤان یۊتەر جە بەشداربېیاو کۊنفرانسەکەی چەبارەو ئاژەو ڕابەر ئاپۆیۆ، ئەریاوناش: "من پاڵپەشتی وېم پەی کۊشییاو گلیرگەو کورڎی ئەرەیاون ‌و، چېشیتەر مەکریۆ ۋیرو کۊشییاو ڕابەر ئاپۆی وەرچەم نەگیریۆنەو جە ویر بریۊوە، هەر جە درېژەو قسەکاشەنە پاوڵ گاڤان ئەرەیاوناش، پەنەوازا پەی ئازادی بەیەن و ڕابەر ئاپۆی بەشېوېوی فراوان گرنگتەر کۊشییای بەردەوام کریۆنە، تاکو بە ئاازدی بەیەنی ڕابەرایەتی و هەڤاڵەکاش جە زینان و ئیمڕاڵینە.

هامکات جە وڵات و بەریتانیایج جە میانەو کۊنفڕانس‌ و نەتەوەیی سکۆدلەنداینە، ڕېکوزیاو "ئێس ئێن پی" کە نوېنەرایەتی هەرمان‌ و کارو ئەنجومەن‌ و نەتەوەو کورڎی بەریتانیا و ئەنجومەن‌ و نەتەوەو کورڎی جە سکۆدلەند و کۊنگرەو ستاری جە ئۆروپا سەرو نامۍ کۊشییایی "ئازادی پەی ڕابەر ئاپۆی و چارەسەرکەرڎەو ئاژەو کورڎی" پیسەو مێمانی بەشداریشا جە کۊنفڕانسەکەنە کەرد و ڕۊژشنایشا وست سەرو ئا ڕەوشە نا مرۊییەی کە جە زینان و ئیمڕاڵینە دژ بە ڕابەرایەتی وەڕاوە ملۊنە.

کریس ستیفینس، کە یۆن جە ئەنداما کۊمیتەو مېیانی "ئێس ئێن پی" ئەرەیاوناشا چنین ساڵېن ئېمە جە بەریتانیانە بەمەڵامەت و پیشتیوانی کەرڎەیما جە کۊشییاو نەتەوەو کورڎی بە چنین شێوی جیاوازی کۊششماکەرڎەن. هەرپاسە جە درېژەو قسەکاشەنە واتش: "کۊشییاو نەتەوەو کورڎی پەی دەس وستەو ئازادی مافێوە فرە ڕەوان و پەنەوازا کۊشییاکا پەی ئازادی بەیەن و ڕابەر ئاپۆیج فراوانتەرۍ و بەردەوامێ بانە".

یۆ جە براوەکا "خەڵات"و نۆبڵی جە بارەو ڕەوش‌ و زینان‌ و ئیمڕاڵییۆ ئەرەیاوناش: "بەڕېز ئۆجالان بەشېوازێوە دژوار و فرە نا مرۊیانە سزا دریان، پۆکەی جە ئیسەنە پەنەوازا جە زینان‌ و ئیمڕاڵینە بېبەرۆ".

ژان پیێر سۆڤاجی زانای فەڕەنسی کە یۊتەرا چا ٦٩کەسە براوا نۆبڵی کە دژ بە ئاژەو کۊشەگیرکەرڎەو ڕابەر ئاپۆی نامېشا پەی ئەرەمەزیا میاڼەتەوەیەکا نوویستەن، ژان پیێر ئەرەیاونېوەشەنە ماچۊ: "بەڕیز ئۆجالان بەشېوېوی دژوار سزا دریۆنە و ئیتر پەنەوازا کە ئازاد بکریۆنە".

زېیاتەر جە ٢٥ساڵان ڕابەر ئاپۆو هەڤاڵەکېش جە میانەوە پلان گېڵنیېوە میاڼەتەوەینە جە ١٥-٢-١٩٩٩ بە بەشداری هەر یۊ جە دۆڵەتەکا "ئیسرائیل، ئەمریکا، ڕوسیا، بەریتانیا، ئەڵمانی و بەشېوە فرە جە دۆڵەتا ناتۆی" جە وڵات و کینیاینە جەلایەن و ڕېکوزیا ئەرەگیرییەکا"هەواڵگیری" مۆسادی و سی ئای ئەی" بەرەو دورگەو ئیمڕاڵی ئەڕفاشا. دوور جە هەر یاسێوە زەمینیۍ تا بە ئارۊ وزیان چېرو گۊشەگیرێوە فرە قورسیۆ، جە ئیسەنە پەی ماوەو ٤١مانگا ملۊ کە هیچ یاونەرێوە جە ڕەوش و ڕابەرایەتی و هەڤاڵەکاش نیا.