کەشئشناسیى هەرێمی وەڵاش کەرڎۊ، ئارۊ عاسمان ئینا بەینوو نیمە هەوری و هەوری تەمامینە، ئەگەروو نمە وارانی بە پچڕ پچڕ مەنتێقە جیاوازەکانە هەن، سەوای شەپۊلێوە وەروۍ و وارانی ڕووە جە مەنتێقەکەیما کەرۊ و پلەکاو گەرمای یۊ تا یەرۍ پلێ نزمۍ باوە.
بە پاو وەڵێوینایەکاو کەشوهەوای، ئارۊ عاسمان ئینا بەینوو نیمە هەوری و هەوری تەمامینە و ئەگەروو نمە وارانی بە پچڕ پچڕ مەنتێقە جیاوازەکانە هەن بەتایبەت مەنتێقە کەشییەکا سنووروو پارێزگاو هەولێری، سلێمانی و هەڵەبجەی و سەرێعیی وای بەینوو١٠ بۊ ٢٠ کیلۊمەترانە بۊ، جە سەعاتێوەنە و مەوڎاو وینای بەینوو ٨ پەی ١٠ کیلۊمەترانە بۊ سەعاتێوەنە.
ماچایچ، سەوای جە ئەنجاموو ئامایی بارستە هەوایۍ چیاینە پەی سەروو مەنتێقەکەی، بەگرڎین عاسمان هەوری تەمام بۊ و پلەکاو گەرمای ڕووەو نزمبییەیۊ ملاو واران جە فرەو مەنتێقە جیاجیایەکانە وارۊ و فرەتەرین ڕێژەو وارایچ جە سنووروو ئیڎارەو ڕاپەرینی و سۊرانینە بۊ و وەروە جە فرەوکەشەکاوە وارۊ.
ئاماژە پانەیچ کریان، سەوای پلەکاو گەرمای بەراورد بە ئارۊی یەک تا یەرۍ پلێ نزمۍ باوە.
