بەرگو یەرەمو زنجیرە کتێبەکا 'مانیفیستۆو شارستانی دیموکراتیک'ی ڕابەر ئاپۆی بە هامکاری دەزگاو چاپی و وەڵاکەردەیۆ کاتالان دیسکۆنترۆڵی و دەزگاو چاپو مەیمانی پەی سەرو زوانی ئیسپانی هورگێڵنایش پەی کریاوە.
بەرگو یەرەمو مانیفیستۆو شارستانی دیموکراتیکی جە نویستەو ڕابەر ئاپۆی، مانگەو نۆوەمبەری بە هامکاری دەزگاو چاپی و وەڵاکەردەیۆ کاتالانی دیسکۆنترۆڵی و دەزگاو چاپو مەیمانی بە زوانی ئیسپانی وەڵاکریاوە.
ڕابەرو گەلو کوردی جە سۆسیۆلۆژیاو ئازادینە پەی چارەسەری کێشە سەرەکیەکا سەدەو ٢١ رێباز و ڕا چارێ وزۆ ڕووە.
ڕابەر ئاپۆ کتێبەکەشەنە بە نامۍ سۆسیۆلۆژیاو ئازادی بە ئامانجو ئارڎەی کایەی ئەڵترناتیڤێوە پەی مۆدێرنەتەی سەرمایەداری، کۆڵەکە سەرەکی و بەرجەسەییەکۍ مۆدێرنیتەو دیموکراتیکیش جە بەرهەمە ٥٢٠ پەڕەییەکەشەنە وستەن ڕووە.
کتێبەکەنە ١٢ گرفتۍ بنچینەیی گلێرگەی پێناسە کریێنی کە قەیرانۆو مۆدێرنیتەی سەرمایەداری بەر وزۆ: دەسەڵات و دۆڵەت، ئەخلاق و سیاسەت، مەژگو و ویرکەردەیۆ، ئابوری، پیشەسازی، ئیکۆلۆژی، رەگەزپەرسی، بنەیانە، ژەنی و پەرسو ئەرەنیشتا، بەشاربییەی، چین و توێژەکا، بورۆکراسی و رۆتین، پەروەردە و تەندروسی، میلیتاریزم و سەروازگەری، جە دمایچەنە پرسو ئاشتی ودیموکراسی.
ڕابەر ئاپۆ ئانەش وستەن ڕووە کە ئا گرفتۍ گرد پێوەرە بینیێنۍ و پەیوەندییشا پێوەرە هەن و یەک سەرچەمەشا هەن، واتە دۆڵەت، دەسەڵات و کوشتەی گلێرگەی.
جە ڕاو ئی نامنیشانەیۆ متاویۆ داواو ئا کتێبەیە بکریۆ:
هەرپاسە جە ماوێ نزیکەنە ماڵپەڕو دەزگاو چاپی و وەڵاکەردەیۆ مەیمانی و کتیخانەنە گنۆ ۋەرو دەسا:
