کتێبو 'ئازاڎیی سەرگنۆ' ئشناسیا
جە زانشتگەو کەمبریج-ینە جە بەریتانیا بە سیمینارێوە وێنە رۆمانو ''ئازاڎیی سەرگنۆ'' جە بارەو کۆشش و رابەرو گەلوو کوردی عەبدوڵا ئۆجالانیۆ نویسیان.
سمینارەکە جە چوارچێوەو هەڵمەتەو ئازاڎیی پەی عەبدوڵا ئۆجالانی و چارەسەری پەی پەرسو کوردینە جە لایەنو چمېیەرو ژەنا کوردیوە سازکریابۍ.
رۆمانەو ئازاڎی سەرگنۆ جە لایەنو شۆن مایکڵ ویڵسۆنیوە نویسیان و باس جە کۆشش و رابەرو گەلوو کوردی عەبدوڵا ئۆجالانی و گەلوو کوردی مکەرۆ.
سمینارەکە جە لایەنو دکتۆر تۆماس جێفری مایلی، کۆمەڵناسی سیاسی جە بەشو کۆمەڵناسی زانشتگەو کامبریج-یۆ ڕاوەبەرکریا. مایلی دماو خێرئاوردەو مێمانەکا باسش جە گرنگی تیۆرییەکا عەبدووڵا ئۆجالانی کەرڎ، باسش جەکۆنفیدڕاڵیزمو دیموکراتیک کەرد جە بوارو دەسەبەرکەردەی چارەسەرێوە ئاشتیانەی و دمایئارڎەی بە فرێوە جە جەنگەکا و ئا قڕکاریا کە سەرانسەرو دنیێنە موینیا.
لاو ۋێشۆ ئاسۆ کەمال نوێنەرو ئەنجومەنو ژیۋای و پەژاکی بە گێڵنایۆ کوڵینێوە جە تاریخو دەورو عەبدوڵا ئۆجالانی و هەرپاسە ساکینە جانسزۍ جە ئەرەمەرزنای جمییەرو ئازادیی کوردی و جمییەرو ئازادیی ژەنانە وست ڕووە.
جە درێژەنە نویسەر شۆن مایکڵ ویڵسۆن و نوێنەرو دەسوەڵێوزی مېیاننەتەوەیی رەیماری هایدار باسشا جە کتێبەکەی کەرد و دماتەر بەرەو گفتوگۆی کریاوە.
