ڕێکوزیا یاساییە میاننەتەوەییەکێ، داواشە کەرڎە جە ترکیەی کە گۆش جە "سی پی تی"ی گێرۊ، کۊتایی بە گۊشەگیریی نایاسایی سەروو ڕابەروو گەلوو کورڎی"عەبدوڵڵا ئۊجەلان"ی و زینڎانییەکا تەری بارۊ.
ڕێکوزیا یاساییە میاننەتەوەییەکۍ، سەرشا دا جە ڕێکوزیاو میاننەتەوەیی وەرگێریی ئەشکەنجەی "سی پی تی"، کە دماو سەردای ڕێکوزیاکەی جە (٢٠-٢٩) ئەیلوولینە پەی دورگەو ئیمراڵی، بێتاقەتییشا جە بارەو "عەبدوڵڵا ئۆجەلان"ی ڕابەروو گەلوو کورڎی، زیاڎتەرێ بیبێنێ، کە ئینا چێروو گۆشەگیریێ قورسینە.
گرووپوو دەسوەرڎای یاسایی میاننەتەوەیی ناوەندوو چەنەکۊڵیایۊ دیموکراتی، کۆمەڵەو مافەکا مرۊڤی و دیموکراتی جە ئەورووپا، پارێزەراو دیموکراتیی ئەورووپای، گیورستیی دیموکراتیی ئیتالیای، چنڎ ڕێکوزیایێ تەرێ یاساییێ و مافەکاو مرۆڤی جە بەلجیکیا، هۊڵەندا، داواشا جە ترکیەی کەرڎە، کە گۆش جە "سی پی تی" گێرۊ، کۊتایی بە گۆشەگیریی سەروو "عەبدوڵڵا ئۆجەلان"ی ڕابەروو گەلوو کورڎی و زینڎانییەکا تەریچ بارۆ.
٭ ٢٠ ساڵێن، ڕا جە چەمپەنەکەوتەیەکا گیریۆ.
ڕێکوزیێکێ ئەرەیاویانشا، ٢٠ساڵێن ڕا جە چەمپەنەکەوتەی پارێزەری و خانەواڎەکا گێریۊ چەنی ڕابەروو گەلوو کوردی "عەبدوڵڵائۆجەلان"ی، جە ساڵەو ٢٠١٩یۆ تا ئیساتێ ڕا بە پارێزەرا نەڎریان کە سەروو ئیمراڵی بڎا، جە مانگەو ئازاروو ٢٠٢٠یۆ تا ئیساتێ، ڕا بە خانەواڎەکا نەڎریێنە سەرێ ئیمراڵی بڎا.
٭جە ساڵەو ٢٠١٦ یۆ تا ئیساتێ، دۆخەکە خاس نەبییەن.
جە سەردای ڕێکوزیایەکانە پەی "سی پی تی" ئاماژە بە ڕاپۆڕتەو ساڵەو ٢٠٢٠ی جە بارەو سەردای ساڵەو ٢٠١٩و "سی پی تی" کریا و باسوو ئانەی کریا، کە جە سەردای ساڵەو ٢٠١٦یۆ تا ئیساتێ، بارودۆخوو زینڎانەکا خاس نییا، بە پاو "سی پی تی" ئی دۊخە قبووڵکریا نییا، ئینە پەی یەرە کەسەکا تەری و پەی ڕاگێرتەی جە چەمپەنەکەوتەی خانەواڎەی و پارێزەرایچ ڕاسا، پەوکای پێویسا "سی پی تی" بەتایبەت پەی زینڎانوو ئیمراڵی و بەگرڎی پەی گرڎوو زینڎانەکا، سیستمێوە ڕێکوپێک بنریۆرە پەی سەردای خانەواڎەی و پارێزەرەکا.
٭پیویسا "سی پی تی" بە پاو ١٠یەمین خاڵەو پەیمانەو میاننەتەوەیی دژوو ئەشکەنجەی، مامەڵە چەنی ترکیەی کەرۆ.
جە سەردایەکەنە، داوا جە ترکیەی کریا کە گۆش جە ڕەخنەکاو "سی پی تی" گێرۊ، جە بارەو سەردای خانەوادەکا و پارێزەرەکایچۊ، چی چوارچوەنە ڕێز جە یاسا ئەورووپی و میاننەتەوەییەکا گێرا. حەر پاسە بە ترکیەی وچیان، کە بە پاو ئەرەیاوناو مانگەو ئەیلوولوو ساڵەو ٢٠٢٢ێ "سی پی تی"ی مامەڵە کەرۊ و بە زووتەرین وەختەنە ڕا بە وەڵاکەرڎەیۊ دلێنەو ڕاپۆرتەو "سی پی تی" دریۊ، جە بارەو ڕەتکەرڎەیۊ وەڵێنیازوو "سی پی تی" جە لایەنوو ترکیەیۊ، داوا جە "ئەنجوومەنوو وەزیراو ئەورووپا"ی کریا، کە گفتوگۊش جە بارەوە کەرۊ و هەنگامەی پێویسە بنریۊ، پیویسا "سی پی تی" بە پاو ١٠م خاڵەو پەیمانەو میاننەتەوەیی دژوو ئەشکەنجەی، مامەڵە چەنی ترکیەی کەرۊ، جە بارەو خراپەکارییەکاوە کە کاریگەریی سەروو زینڎانوو ئیمراڵیوە منیۊرە، ئەرەیاونایێ وەڵا کەرۊوە.
