پارتە سیاسییەکاو وەرکەوتوو کورستانی و ڕێکوزیا مەدەنییەکێ و پارێزنەراو مافوو ئینسانی بە بۆنەودووەمین ساڵیادوو سەرەوردای" ژەنی، ژیوای، ئازادی"یوە،کە بەبۆنەو کوشتەی ژینا ئەمینیێوە بێ تارانەنە لاو پۆلیسوو ئەخلاقیوە بانگەوازش کەرد پەی مانگێرتەی گردینی، ١٦و ئەیلوولینە.

چندین گرووپێ و ڕێکوزیێ بە ئەرەیاوناێوە،بەشداربییەیشا جە مانگێرتەیە گردینەکەینە ئەوەخوای کەردۆ و داواو گەرەکەردەی مانگێرتەیەکەیشا کەرد.

ئەدێ دادپەروەریی کوردستانی ئەرەیاوناێوەنە پەشتگیریی وێشا پەی مانگێرتەکەی بەروست، ماچا:" پەشتیوانی وەنەو بانگەوازوو چالاکا مکەرمێ پەی مانگێرتەی گردینی، داوا مکەرمێ کە گردوو بنەیانەکا یۆی بگێرا سەروو قەبرەو ئازیزاشا بدا.دواو وەنەو گەلوکوردی مکەرمێ، ١٦و ئویلوولی یانەنە بمەناوە و نەلا سەروو هەرمانێ و ورەشگە و دووکانەکاشا بوزارە."

٢٠ ڕێکوزیێ گلێرگەی مەدەنی ئەرەیاوناێوە هامبەشنە، پەشتیوانیی وێشا پەی چالاکییەکەی بەروست و جەخت مکەراوە بۆنەو کوشتەی ژینا ئەمینیێوە پاشیلکاری و ئەشکەنجە و فشارەکێ زیادتەرێ بیێنێ و سەرەڕاو  ناڕەزایەتی میاننەتەوەیی، دەوڵەتوو ئێرانی بەردەواما جە فشاری پەی سەروو کوردا و دەنگە ناڕازییەکا و ماچا:" داوا مکەرمێ گردوو بەشەکاو گلێرگەو ئێرانی و کوردسانی بە هەڵوێستێوە مەدەنی و ئاشتییانە بەشدارێ مانگێرتەیە گردینەکەی بانە،داوا جە گلێرگەی میاننەتەوەییچ مکەرمێ، زیاتەر سەرنجە بوزانە سەروو، پاشێلکارییەکاو مافوو ئینسانی وەراوەروو ئینسانوو کوردیوە ئێرانەنە".