کوردیناسیۆنوو کەژەکەی ئەرەیاوناێوەش وەڵا کەردۆ و پێوەس بە کوشتەی نارین گورانێ واتش:" ئی کوشتەیە بەرهیەموو ڕژێمی قڕکەریه و بەش و بازنەو کۆنتراگەریلای و سیستەموو جەنگی تایبەتین."

ئازارە بەرەنمەوزیۆ، تووڕەیی و سەرەهوردای

ئەرەیاونایەکەو کەژەکەی:

"وەراوەروو کوشتەی نارین گورانێە کە گەڕەکەو تاڤشانتەپەو ڕەزانوو ئامەدینە خەمگینیما بەرنمەوزیۆ، تووڕەیی و سەرەهوردایما گەورەن، نارینە دمایین قوربانیی ئی جیهانە دۆزەخییەینە،کە ملوو کوردا و ژەنا و  گەلارە مسەپییۆ. ئا میکانیزمە کە نارینەش کوشتە سیاسەتێوە پەڕاوپەڕ وتایبەتوو ناوەندوو جەنگی تایبەتی و دەسەڵاتداری فاشیستوو ئاکەپە-مەهەپەیا، کە دوژمنایەتیی ژەنا مکەرۆ و کوردا قڕ مکەرۆ.

ڕژێموو قڕکەردەیش ئاشکرا کەرد

ئی کوشتەیە وێشنە کوشتەێوەین بەرهەموو ڕژێمی قڕکەر، بەشەکاو کۆنتراگەریلای و سیستەموو جەنگی تایبەتین، دژوو ژیوای و هۆشمەندیی ئازادیی کوردەسانین، کە بە سەرمەشقایەتیی ژەنا مکریۆ، واقیعوو هورشانایوە بە سیاسەتەکاو دەسدرێژی و ماددەی هۆشبەری کە سەروو گلێرگەیوە مسەپنۆشا،جە کەسێتیی نارینێنە بێبەزەییانە، بە کوشتەی وێش بەروست، کوشتەێوە پاسنە گەورەن کە نمەبۆ بە ناڕەزاییەتێیوە ئاسایی بویەرۆ، نارینە هەرمانە و وەرپەرسییش پەی جیا ئاستیمێ. وەراوەروو هجوومە هورشانەرەژاو گلێرگەیەنە کە پێسەو سیاسەت وڕژێموو دوژمنوو ژەنێ و قڕکەردەی مکریۆ، پەنەوازا گنمێ کۆشیای و سەرەهوردایێوە ئەنجامگیر.

نارینە چی کوشیا؟ کێ کوشتە؟ چا وەختەنە کە کوشیا چێشش دی؟ پەنەوقازا گردوو ئینیشا پێسەو سیاسەتوو دەوڵەتی تەماشە بکریا و هەمان وەختەنە گردوو ئانیشا شۆنەو جوابوو ئا پەرسێرە مگێڵا داواو وەنەپەرسایوە بکەرا، زیاتەر بکۆشیا. گەل و ژەناو کوردی جوابوو ئا پەرسێ مزانانە. چەمێ نارینێ شایەتێ ورشانایوەی، ئەنجامەکاو سیاسەتوو ڕاگێری هەڵوێستوو ئازادیی گەلوو کوردی و کۆشیای ئازادیی ژەنێن،کۆشیای ئازادیی ژەناو جیهانی و گەلی کوردی بەشکۆی، پەنەوازا ئا چیوەیە نیشانە بدۆ، کە نارینێ دی و وەنەپێتەیوە وەنەو  تۆڕەو سیاسەتوو کوشتەی بکەرانێوە.

ئی دەگێ نیشانێ کۆکوشیی ژەنێنە

تا بکوشاو نارین ئاشکرێ بانە، وەڵێ گرد چێوێونە مشۆم ڕاسییەکاو دەگاو (تاڤشانلکۆی) ئاشکرێ بکریا. ئا ڕووەدایێ کە ڕووەشا دێنە پەیوەندییشا بە وەشکەردەی بنکە و ناوەندو ڕێکوزیا نیمچە سەروازییەکاو پێسەو داعشی و حزبوڵکۆنترای و هێزە ئەمنییەکای تەریوە هەنێ، کە دەوڵەتی چەوسنەری وەشێ کەردێنێ. ڕۆشنا کە ئی نۆعە ناوەندێوی گرنگەنێ پەی دەوڵەت- هودا-پار-داعش-پەدەکەی. ئی ناوەندە یۆن جە مەنتێقەکاو کۆنترای، تەقەمەنی و قەبڕێ بەکۆمەڵێشچەنەنێ و یۆن چا یاگا کە ژەنێ فرێش چەنە کوشیێنێ. ئی دەگێ پێناسەو کۆکوشیی کوردی و ژەنا مکەرۆ: پەوکای تا بکوشاو نارێنێ ئاشکرێ با، پەنەوازا داواو وەنەپەرسایوە جە دەسەڵاتی سەد ساڵەی کۆکوشی و ڕێکوستەی جەنگی تایبەتی بکریۆ.

ئانە نارینێ موینۆ و ئەزموونش مکەرۆ، قەبرە بەکۆمەڵەکاو حزبولکۆنترای و جبەخانەکەیش و دەسدرێژیکەردەین جە وانەواتەیوەکاو قورعانی،  تندوتیژیی پیایانە سەروازی و مەکینەو جەنگی گڵیاوی ڕژێموو فاشیستی ئاکەپە-مەهەپەیا. هۆکاروو کوشتەی نارینێ پەی ئانەیە بێ، کە هەوڵێ دیارنەمەنەی و ناستەی وێستەیوەیش پەی ماوە ١٩ ڕوا،  پەی دلێنەبەردەی بەڵگەکاو ئی تاوانی بێ.گلێرگەو تورکیای بۆنەو دوژمنایەتی چەنی گەلوو کوردیوە مەحکووم بە گەندەڵی و دلێنەشییەیا. جینۆساید دژوو کوردی و ژەنین پەنەوازییش بە نکۆلیکەردەی ئی سیستمەیە هەن، کە ماڕای و دلێنەشییەی سەروو تورکیایرە مسەپنۆ.

ئانێ هجوومسا کەرد سەروو ئی دەگێ، تۆڕەو ١٧ هەزار کوشیایا تاوانبارە نەشناسیایان، کە لاو دەوڵەتی ئەرەگیروو تورکیوە، حزبولکۆنترایوە ساڵاو نەوەدەکاوە پەی دلێنەبەردەی خەباتوو گەلی و ژەناو کوردی ئەرەمەرزیان. هەرپاسە ڕژێموو جینۆسایدوو ئاکەپە-مەهەپەی، تۆڕەو حیزبولکۆنترایش فاڕا پەی ڕێکوزیای هوداپاری و  بە کەردەیوەی فرسەتی ڕێکوزیایی ئایدۆلۆژی و کۆمەڵایەتی پەی هۆداپاری چا شارەوانییانە کە قەیومەکا گێرتێبێنێ، پەرەش بە کۆکوشیی دا. دوژمنایەتیی وەراوەروو گەلووکوردی، وەراوەروو ژەنا بە ڕێکوستەی ناسیۆنالیزمی و ڕەگەزپەرەسی ئاما دی. جگە چینەیچ بە پەشتیبەستەی بە پلانەو شکسی دژوو گەلوو کوردی، رێکوزیایەکاو داعشی و ئۆسۆی پەی ناستەی شۆڕشوو وەرنیشتی هجوومەکێشادەس پەنە کەردێ و هجووم و کۆکوشیی شنگالی ئەرەگیریی پانیشتوو کوردسانی دەسش پەنە کەرد، دماو ئی هجووما شکسشا ئارد. عەفرین، سەرێکانی و گرێسپی پا پەشتیوانییە کە ناتۆیوە بەدەسشا ئاردەبێ، ئەرەگیرێ کریێ. بە هامکاریی هێزوو خائینا، گڵیاوێ، سیخوڕ و کۆنترێ، ئۆپەراسیۆنەکاو داگیرکاری و لکنایش بە شێوەی سیاسی و سەروازی و ئایدیۆلۆژی گرد بوارێونە درێژەش هەن. سەردایەکەی ئەردۆغانی پەی هەولێری، بە ڕسمیکەردەی هامپەیمانیی ئاکەپە-مەهەپە- هوداپاری مەراسیموو دەوڵەتی مەلازگرتەنە، دیداروو ئی دمایەو  بەینوو مەسعود بارزانی و سەرۆکوو هوداپاری زەکەریا یاپیچ ئۆغڵو، ئەنجاموو ئی دیدارانە وەش بی، یۆ جە سەرکردە گرنگەکاو داعشی کە ٦ ساڵێ زیندانی کریابێ،لاو پەدەکەیوە، چەنەوەشبییەیش ورگێرت و ئازاد کریا، گردوو ئینیشا ئانەیە بەرموزا، کە هجوومی کۆکوشی وەرفراوان دژوو ژەنی و گەلوو کوردی مکریۆ.

پەنەوازییش بە هامکاری و کۆشیای هەمەلایەنەی هەن

ڕ٩ۆشنا کە کۆکوشیی ژەنا و زارۆڵا تورکیانە و کوردسانەنە تەنیا هەرمانەو ئینسانێوە یا چەمکێوی فیوداڵیی نیەنە، بەڵکوم سیاسەتوو جەنگی تایبەتین و ڕێک وزیان،پەرەسانای کوشتەی بەکۆمەڵی و دەسدرێژی، لەشورەشی و ماددەی هۆشبەریو بەشیوەن جە کۆکوشیی ژەنا و زاڕۆڵا.

هەرپاسە پەنەواز بە هەڵوێست و کۆشیاێوە یۆگێرتانەی و یەکدەنگی هەن، سەروو ئی بنەمێوە داوا وەنەو ژەنا و گەلیما مکەرمێ، تا کوشتەی نارینێ ڕۆشن بکریۆوە، زارۆڵی چی دەسەڵاتەیە بپارێزنیا و کۆشیای وێشاوەرفراونتەر بکەرا.