جە بەردەوامی ئۆپراسیۆنو قڕکەردەی سیاسینە سەرسەعبو ئارۆی پۆلیسو تورکی جە چڼین  ناوچۍ ئەستەنبوڵینە هۊرشا کوان سەرو چڼین یانا و ٦ کەسێشا گێرتێنۍ کە ئەنداما هەدەکە، دەم پارتی، دەبەپەی و جەمەو هامکاری و پەشتیوانی جە بنەیانەو زیڼانیا و سزدریایا مارمارای  (MATUHAY-DER)ش ئینۍ چنە.

ئەرەیاۋییا ئا کەسۍ کە گیریێنۍ بریێنۍ پەی ڕاوەبەری پۆلیسو ئەستەنبوڵی. زانیان کە قەرارو سنوردارکەردەی یان شارایۆ سەرو دۆسیەکاشا نریانەرە.

هەر ئارۆ پۆلیسو تورکیای جە ناوچەو قۆسەرێی مێردینی هۆرکوۆ سەرو چڼین یانا و چڼین کەسۍ گێرۆنە. ئاشکرابی کە چا ئۆپراسیۆنەنە ڕاوەبەرا وەڵینو هەدەپەی نەجلە کایە، عەبدولغەنی فەریدغۆلاری و یاسەمینە ئینۍ دلۍ ئا کەسانە کە گیریێنۍ.

ئەرەیاۋییا کە دەسبەسەرکریایا بریێنۍ پەی فەرماندەیی جەندرمەو شارەکەی.