لوبنان کیانای بابەتێوە وارڎەیش پەی عێراقی مردنا
هاموەخت چەنی بەرزبییەیۊ نرخەو پیازی عێراقنە، وەزارەتوو كشتوكاڵوو لوبنانی، بۊنەو بەرزبییەیۊ واستەی پیازاوە، کیانای پیازاش پەی عێراقی مرڎنا.
وەروو فرەیی واستەی پیازا جە لاو هاموەڵاتییاو لوبنانیوە، نرخەو کیلوۍ پیازا پەی ٧٠ لیرا بەرزە بییۊ و "عەباسوو حاجی حسێن"ی وەزیروو کشتوکاڵوو لوبنانی ئەرەیاوناش، ئێسە تەنیا ١٥ هەزار تەنۍ پیازیما هەنۍ ئینێچ تەنیا بەشوو چوار مانگا دلۍ وەڵاتوو وێما کەرا.
ماچۊیچ: ناڕەزایەتییێوە فرە دژوو کیانای پیازی پەی هەردووە وڵاتاو عێراقی و لیبیای وەڵاتنە وەش بییەن، پەوکای قەرارما دا ئیتر پیازی پەی حیچ وەڵاتۍ مەکیانمۍ.
جە ماوەی ویەرڎەنە نرخەو پیازی بە نۊعێوە وەرەچەم بەرزە بیۊ، نرخەو تەنیا یەک کیلۊ پیازا، جە بازاڕەکاو هەرێموو کوردستانینە یاوا دووۍ هەزارۍ و ٥٠٠ دینارۍ.
ف.ق
