چارەسەرو ئەندامو شاندو ئیمراڵیی پارتو یەکسانی و دیموکراسیی (دەم پارتی) و یاگەگیرو سەرۆکو پەرلەمانی سری سورەیا ئۆندەر جە بەشو خەسەخانەینە (Florence Nightingale) بەردەواما. بنەیانەو ئۆندەری، شاندو دەم پارتی جە نزیکۆ چەمدێری دۆخەکەی مکەرا و پەشوازی جە سەردانیکەرا مکەرا.

براو سری سورەیا ئۆندەری، عەلی ئۆندەر دەربارەو دماین ڕەوشو براکەیش ئەرەیاوناش بەشو ڕاسو دڵو براکەم هەرمانە مکەرۆ، وە چنین کەسێ و لایەنێ سەردانو خەسەخانەیشا کەردەن. جەختش کەردۆ، دوکتۆرەکێ موعجیزەشا ئەنجامدان و بە قسێ دکتۆرەکا دۆخو ئۆندەری جێگیرا، بەڵام هەڵای تەرسی سەرو ژیوایش بەردەواما. سوپاسس پەشتیوانی گرڏ لێوەش کەرد و واتش: "ئا ڕووەی ئاردشا خەسەخانە بەشو لاو ڕاسو دڵیس هەرمانە نەکەرێ. هیزی نیمەڕۆ بە ئێمەشا وات کە جە بەشو ڕاسو دڵیش هەرمانە مکەرۆ، ئینەیچ پێشئامێوە فرە خاسا".