ئەنجومەنو ۋێڕاۋەبەری دېموکراتېکو شەنگال-ی سەبارەڎ بە قەرارو ۋڵات و ئەڵمانېای پۍ بەڕەسمی ئەشناساو قڕکەرڎەو ئێزېدېەکا ئەرەېاۋناش " ېاوێنمۍ ئا قەناعەتەی کە تا شەنگال ۋێڕاۋەبەر نەبۊ ، ڕاگېری جە فەرمانۍ مەگیرېۊ . ئەشۊ ئی داوکارېەو ئێزېدېەکا قبوڵ بکرېۊ .
ئەنجومەنو ۋێڕاۋەبەری دېموکراتېکو شەنگال-ی ( مەخەدەشە) ئەرەېاۋناێش سەبارەڎ بە قەرارو پەرلەمان و ئەڵمانېای پۍ بە جېنۊساېد ئەشناساو کۊکوشی ئێزېدېەکا ۋەڵاکەرڎۊ.
" مەخەدەشە " ئاماژەش پانەی کەرڎ کە تەنېا بە قسۍ مەکرېۊ ئەشۊ ۋڵاتا دنېۍ ئا کۊکوشېە پێسە پاکتاوکەرڎەی بشناساو بە کردار چالاکېەکاشا ۋێڕاۋەبەر کەرا، ئەنجومەنەکە داواش جە ۋڵاتا مېان نەتەوەېې کەرڎ ، کە ئا کەسۍ بېۍ بە مەڵامەت و قەرارەکەی داڎگای بکرېا .
ېاۋنەرکەو ئەنجومەنو ۋێڕاۋەبەری دېموکراتېکو شەنگال-ی پی جۊرە ئامان :
ۋەڵۍ گرڎ چێوێنە سوپاس و دۊڵەتو ئەڵمانېای و تەمامو پەرلەمانتاراو ئا ۋڵاتېە مکەرمۍ کە پەشتېوانېشا جە قەرارو بە جېنۊساېد ئەشناساو کۊکوشی ئێزېدېەکانە کەرڎ ، ئی قەرارە پۍ گلێرگەو ئێزېدېەکا گرنگاو پەنەوازەن گرڎو ۋڵاتا تەرېچ ئی کۊکوشېە بە جېنۊساېد بشناسا .
بڕگێۋە جە قەرارەکەی ، جە بارۊو قبوڵکەرڎەو ئا زارۊڵاۋە کە جە چەتەکاو داعشېۊ دروسۍ بېێنۍ ، پەنەوازەن کە چەمش پۊرە خشکېۊۋە ، ۋەرو ئانەی دلۍ گلێرگەو ئێزېدېنە قبوڵ مەکرېۊ . ئەرک و ئەنجومەن و ڕۊحانی ئێزېدېەکان مدرای سەرو ئی مژارېە کەرۊنە .
کۊکوشی ئێزېدېەکا تا ئېسەېچ دماېش نامان ، " پەدەکە " مەڵامەت و ئانەېن سەرو گەلو کۊچەرېمارە سېاسەت بەرۊ ڕاۋە پۍ بەرژەوەنڎی حېزبی بەکارشا مارۊ کەرۊشان بە دوژمن و بنەچەو وێشا. ڕێککەوتەو ٩ و تشرین و ېۋەم و ساڵەو٢٠٢٠ ی ھەمان پلانەنە پۍ دلێنەبەرڎەو ئێزېدېەکا، ئێمە ۋەڵتەر ئا ڕێککەوتەېما پیسە قەرارێۋە چێرو نامۍ ېاساېنە ئەشناسۍ بۍ ، داوا جە گرڎو ئا ۋڵاتا مکەرمۍ کە گەرەکشانە کۊکوشی ئێزېدېەکا بە جېنۊساید بشناسا ڕێککەوتەو ڕۊدېارو ٩ تشرېن و ېۋەمی ھورشاناۋە.
بە ڕەسمی ئەشناساو جېنۊساېدی گرنگا ، ۋەلێم چانەی گرنگتەر ڕاگری کەرڎەېن جە فەرمانی ئێمە ېاوێنمۍ ئا قەرارەېە کە ئەگەر شەنگال ۋێڕاۋەبەر نەبۊ ، ڕاگېری جە فەرمانی مەکرېۊ ، ئی داواکارېەو گلێرگەو ئێزېدېەکا پەنەوازەن پەسەنڎ کرېۊ .
ھ.ئ
