جەنگێوە داستانی یەرە ساڵە کە گرڏ ڕوێ پێسەو داستانێوە بێ، بێگومان تەنیا بە نویستەی مەتاویۆنە بەربڕیۆنە. جەنگ جا سەنگەرە، جەنگ جە مەڕەکا چیاو ئێف ئێمی-گەشمەرڏە مونزور با ڕەنگەی نەبییەن.

جە دژو نەمردوی، فیرعەونی و زوحاکەکا سەدەو ٢١، ئارامگێرتەی تەنیا پەی جارێوەیچ وەسێ نەبییەن. پنەوازیش بە هەڵوێس و ئێرادێوە جە پۆڵای بێ. ئانەی جە دڵو گاباری، جەنگاوەرا و خەباتینە بێ هەوڵدانێوە کاتی نەبێ، هەوڵدێوە سەد ساڵەیی بێ، ئیرادێوە سەد ساڵەیی بێ.

مڏرامانشا مەیلێوە نەبێ، یان حەزێ نەبێ. ڕێبازێوە ژیوای بێ، بەڕاسی ژیوای بێ. پێسەو ھەناسەدای بێ. پێسەو نان و ئاوێ پەنەواز بێ، مڏرامان و سەرکەوتەی پێشا پێسەو نان و ئاوێ پەنەواز بێ.

 جە گوڵانو ٢٠٢٢‌یۆ دەسشا پنەکەرد و تاوەکو زمسانو ٢٠٢٥ مڏرامانشا کەرد. جە حەر ڕوێ ئی مڏرامانینە ھەمان ئامانجشا بێ. پەی ئانەی بە سەربەرزی و سەرکۆتەی نامەکێشا جە پەڕەکا تاریخینە نوسیۆنە گرڏ ڕوێ، حەر دەقێوە ئی یەرە ساڵەیە مڏرامانشا کەرد.

مڏرامان و تونێلێوە ماوە درێژی بەردەوام بێ

گابار، جەنگاوەرێ و خەبات جە تونێلەکا جەنگو گەشمەرڏە مونزوورو زاپینە مڏرامانشا نویستۆ. پەی ئانەی ئارۆ تاومێنە واچمێ، "مڏرامان و مەڕەکا درێژترین تاریخو ئەوەکۆشای گەریلایان" گرڏ ڕوێ پەنجەکێشا سەرو تەکتی بێ و جە دژو دووژمنی بە کارشا ئارێنێ.

فەرماندە گابار بۆتان سەرکەوتەی جەنگێوە ١٢ سەعاتی بێ. فەرماندەکا جەنگو سوپاو تورکی بە دووری چن کیلۆمەترێ جە بەرەکا جەنگیۆ بە بەکارئاردەو دوربینی 'فەرماندەیی دوورشا ئەنجام دێنێ، بەڵام فەرماندە گابار فەرماندەی هەرێمی بێ کە بە چەک سەرو دەسیشا سەرو بەرە دوژمنینە لوێ و ئەرەگیرا دلێنە بەرێنی.

پێسەو فیداییێ بە بڕوا و دڵسۆزو ڕابەر ئاپۆی، جەنگ دلێ گرڏ هەلومەرجێوەنە بەردەوام بێ. نەک پێسەو دووری کەش و ئیمراڵی بەڵام ئنەو شەپۆلەکا بەحرو مەرمەرەی نزیک بێ جە دوورگەکەی.

جە بۆمبوارانەنە بە گازی کیمیایی ھەناسەکێشا بەرنەبڕیێ. چێرو ئا بۆمبورانەینە جە جەنگەنە ھەناسەکێشا وەراوەر بە دووژمنی بەربڕێنێ.

فەرماندە گابار، جەنگاوەر و خەبات... داستانێوە یەرە ساڵەشا خوڵقنا.