ئەرەنیشتا کانتۆنو جزیرەی کە بەنداو تشریینینە چوار ڕوێ جە ئێشکگیری مڏرامانینە بێنێ دەستنیشانشا کەرد، مڏرامانو گەلی و جەنگاوەرا قەسەدە-یەپەگە-یەپەژەی مڏرامانێ تاریخیا و ماڕاو هرووژمەکا دۆڵەتو تورکیاین.
دماو پێشئاماکا سووریای، دۆڵەتو تورکی ئەرەگیری بە ئامانجو ئەرەگیرکەردەی بەنداو تشرینی ٨و کانوونو یوەمو ٢٠٢٤ەوە ئینا هرووژمێ بەردەوامێنە پەی بەنداوەکەی. پۆکەی بە ئامانجو ماڕاو ئا هرووژما و پەشتیوانیکەردەی جە ڕۆڵەکاشا و پارێزناو بەندواوەکەیشا گەلا هەرێمەکا سەرنیشتوو وەرکەوتوو سووریای ڕووەشا کەردێنە بەنداوەکە و ئینێ ئێشکگیری مڏرامانینە. چا چوارچێوەنە ١٠و کانوونو دووەمو ٢٠٢٥نە کاروانێ جە ئەرەنیشتا کانتۆنو جزیرەی پەی مردایۆ هرووژمەکا ڕوەشا جە بەنداو تشرینی کەرد و دماو چوار ڕوا جە ئێشکگیری بەنداوەکەی گێڵێوە.
ئەرەنیشتا جزیرەیجە بەنداوەکەنە قسێشا پەی ئاژانسو هەواڵو هاوار-ئانهای کەردە.
یۆ جە ئێشکگیرا فەدیا مەحمود شێخوە ئاماژەش پانەیەدا ماوەو چوار ڕوا بە شێوێ بەهێز جە مڏرامانو ئێشکگیریینە بێنێ و گرڏو بییەیشا پەی پەشتیوانی ڕۆڵەکاشا بێ جە بەنداوەکەنە کەچی دۆڵەتو تورکی و چەتەکاش هرووژم کەرا سەرو مەدەنییەکا و ئینەش وات: "حیچ کاتێ دەسبەردارو هێزەکاما مەبیمێ و ڕێچکەگیرو ئامانجو گەشمەرڏەکامانمێ. حیچ کاتێ جە هرووژمەکا دۆڵەتو تورکی مەتەرسمێ. بەنداوەکە پەی ئێمە بە ماناو بییەیما مێ. بەڕاسی شەرما ڕێکوزیێ مییانتەوەییەکێ جە ئاستو ئی هرووژمانە ئینێ بێدەنگیینە. بێگومان ئی هەڵوێسێ با بە یارمەتیدەرو هرووژمەکا دۆڵەتو تورکی."
'جەنگاوەرا و گەل ئینێ مڏرامانێ تاریخینە'
یۆ جە ئێشکگیرەکا، فاتمە کەلەشە دەستنیشانشکەرد جە بەنداو تشریینینە مڏرامانێ تاریخی ئینا ئارانە و گرڏو هرووژمەکاش ماڕێنێ و ئاماژەش پانەیەدا جە دماو چوار ڕوا جە ئێشکگیری گەلو کانتۆنی جزیرەی گێڵاوە پەی یانەو وێشا و واتش: "بەنداو تشرینی کانتۆنو جزیرەی و فراتو هەرێمەکا سەرنیشتوو وەرکەوتوو سووریای پێوەرە بەسۆوە. دۆڵەتو تورکی گەرەکشا ئی هەرێما جەیۆی بڕۆنە و شارەکاما ئەرەگیرێ بکەرۆ. بەڵام با دووژمنێ خاس بزانا گەلو کوردی وەڵین نییا و جە دژو هرووژمەکا ئینا مڏرامانەنە. سەرو بنەماو واڵەو-برایەتی کە ڕابەر ئاپۆ پێشکەشو گەلاش کەردەن ئەوەکۆشانە."
عەلی ساڵەح کە جە ئێشکگیرینە بییەن واتش: "کاتێ یاوایمێ بە بەنداوەکەی بە ویناو جەنگاوەراما پەی یەکتری بییەیمی بە مۆراڵ. حیچ کاتێ ئیرادەو گەلا سەرنیشتوو وەرکەوتوو سووریای مەمەڕیۆ.
