جە دماو پێشئامایەکا سووریای، بە دیاریکریا جە ٨و کانوونو دووەمیۆ هرووژمە ئەرەگیرییەکا دۆڵەتو تورکی و چەتەکاش بە مەبەسو ئەرەگیر کەردەو بەندواو تشرینی و سردەو قەرەقۆزاقی جە هرووژمی وەرفراوانو ئاسمانی و زەمینینە.

پەی دژبەرو ئا هرووژما، بەمەبەسو پارێزناو بەنداوەکەی و پشتگیری دای بە مڏرامانو جەنگاوەرا جە ٨و کانوونو دووەمیۆ گەلا سەرنیشتوو و وەرکەوتوو سووریای بە سەرمەشقایەتی ژەنا و ئەڏایا جە گرڏو چین و توێژەکاوە بەشێوەو نۆرەو-ئێشکگیری هەرجارێ و جە کانتۆنێوە ملانە بەنداو تشرینی.

سەرەڕاو ئانەی گرڏو ئانێ ئینێ ئێشکگیری مڏرامانینە کەسێ مەدەنیێنێ، بەڵام دۆڵەتو تورکی و چەتەکاش بە گرڏ شێوێ هرووژمشا جە دژ ئەنجام مڏانە. بە پاو ئامارەکێ دەسەو تەندرووتی ئیدارەو وێڕاودبەری سەرنیشتوو و وەرکەوتوو سووریای، جە دووێ مانگا ویەردەینە بەمەڵامەتوو هرووژمە بەردەوامەکا دۆڵەتو تورکی و چەتەکاش ٢٥ هاموڵاتیێ مەدەنیێ گەشمەرڏێ بیێنی و ٢٢١ هاموڵاتیێ تەرێچ زامڏارێ بیێنێ.