پەی جەنگاوەرا قەسەدەی محەمەد خالید ئەل فەرەج و ئەحمەد خالید ئەل ڕەحیل کە ١٢ و کانوونو دووەمو ٢٠٢٥ جە مڏرامانو بەنداو تشرینینە دژو هرووژمەکا دۆڵەتو تورکی و چەتەکاش گەشمەرڏێ بیێ، مەراسیمێوە جەماوەری ڕێکوزیا.

سەدان ئەرەنیشتێ تەل کۆچەری و کۆڵانەو لەگی و دێرکی و چلاغای پەی بەشداربییەی جە مەراسیمەکەی جە قەبرسانوو گەشمەرڏا عیقاب ئەسوەدی گلێرێ بیێوە.

دماو دەقێوە ڕێزگێرتەی سەرو نامی قەسەدەی محێدین خێرکێ واتش: "دۆڵەتو ئەرەگیرو تورکی گەرەکشا گەلەکەما قڕبکەرۆ. پێسەو قەسەدەی، دەسکەوتەکا گەلەکەیما پارێزنمێ و درێژە بە ئەوەکۆشای مڏرەیمێ پەی ژیوایێ ئازاد و شکۆمەندی".

محێدین جەختش کەردۆ، قەسەدە نوێنەرایەتی تەمامو پێکئامایەکا هەرێمەکەی مکەرۆ و ئاسایشو وڵاتی پارێزنۆنە.

دکپماتەر شناسنامەو هەردووی گەشمەرڏا ونریاوە و ڕادەسو بنەیانەکاشا کریا. دماتەر تەرمو گەشمەرڏا بە هەلهەلەو ئەڏایا و بە درووشمو "گەشمەرڏە مەمرۆنە" ئەسپەردەو خاکی کریا.