فەرزەندە مونزور، ئەنداموو دەسوەڵێوستەی ئازاڎیی "عەبدوڵلا ئۊجالان"ی، ئاماژەیچش پانەیە دا، کە بە حیچ نۊعێوە مرڎای بە کۊشیای دیپلۊماسی و یاسایی وێشا مەدا.

فەرزەندە مونزور ماچۊیچ، گۊشەگێریی قورسوو سەروو "عەبدوڵلا ئۊجەلان"ی ڕابەروو گەلوو کورڎی بەشێوەن جە سیاسەتوو دلێنەبەرڎەی کورڎی  و واتش، " دەوڵەتوو تورکی هەوڵۍ مدۊ ڕا جە دەنگوو ڕابەر ئۊجەلانی گێرۊ کە نەیاوۊ گەلای تەری و پی نۊعە ئەنجامش بۊ. پەوکای گۊش بە یاسا میاننەتەوەییەکا و یاسایەکاو تورکیای مەڎا."

پێویسا سی پی تی ئەرکوو وێش بە یاگۍ بارۊ

مونزور ئاماژەش پانەی دا کە "سی پی تی" بەینوو٢٠-٢٩ ئەیلوولینە سەرش دان زیندانەکاو تورکیای و واتش "سی پی تی" ڕێکوزیاێوەن، کە ئینا چێروو دەسەڵاتوو کۊنسەو ئەورووپاینە، هەرمانەش خاستەرکەرڎەی بارودۊخوو زیندانەکان. بەداخۊ "سی پی تی" هەرمانەکاش مەکەرۊ. ئەشیا شۊنەو پاشێلکارییەکا زیندانەکا کەوتێ. حەر دەوڵەتێ بۊ، ئەشیا فشارش وستێ سەرش و ڕاش جە پاشێلکارییەکا گێرتێ. بەڵام پێویسی بە پەیدواێچ مەوینۊ."

مونزور ئەرەیاوناش، بە خەباتوو ٢٠٢٢ ئازاڎیی جەستەیی "عەبدوڵلا ئۊجالان"ی ڕابەروو گەلوو کورڎی  گرەنتی نەکریا، گۊشەگێری نەمەڕیا و واتش، "ئەر گۊشەگێری نەمەڕیابۊ و ئازاڎیی جەستەیی مسۊگەر نەکریابۊ، ئانە  مشۊم ڕەخنە جە وێما گێرمۍ".

پێویستییش بە خەباتی و هەرمانۍ زیاڎتەرۍهەن

مونزور ئاماژەش پانەیچ کەرد، جە وەرکەوتوو دلێڕاسەی و جیهانیچنە، دەسوەڵیوستەی و ئەرەمەرزیۍ مافوو مرۊڤی فرێنۍ و واتش، "پێویستا دەسێشا پەی درێژێ کەرمۍ، جينیشا خەبات کەرمۍ  و هەرمانەکاما زیاڎۍ کەرمۍ. کاری دیپلۊماسیما بەقووەتتەر کەرمۍ. جە ڕووەو یاساییوە، ئێمە هەوڵۍ مڎەیمۍ و کەموکوڵییەکاو ساڵەی ویەرڎۍ جە ٢٠٢٣ چارەسەر کەرمۍ. تا ئا وەختە ئەنجام بەدەست نارمۍ، داواکارییەکاما پەی "سی پی تی" و "یۊبییەی ئەورووپای و نەتەوە یۊگیرەکا" سەرەمڕۍ با، جە ماوێوە کوڵنە، دەست بە ئاماڎەکارییەکاما کەرمۍ. ئێساڵ هەوڵۍ مڎەیمۍ دەستکەوتۍ نەوۍ دەس وزمۍ، گێرا دەستکەوتۍ نەوۍ دماییئارڎەی بۊ بە سیاسەتوو قاڕچنیەیۊ و ئانەیچ بە دماییئارڎەی بە گۊشەگێری و دەستەبەرکەرڎەی ئازاڎیی جەسەیی ڕابەر "ئۊجەلان"ی بۊ."