کۆنستانتین وێکەر موزیکژەنی ئەڵمانی ئەرەیاوناش؛ گەلوو کوردی پەنەوازیش بە پەشتیوانی میاننەتەوەی هەن پێسە چنین پەی نیلسۆن ماندێلای کریا، مشۆم هەڵمەتێ میاننەتەوەی پەی ئازادی ئۆجالانیچ دەس پنە بکەرمێ."
موزیکژەن و چالاکوانی ئەڵمانی کۆنستانتین وێکەر بە ڤیدیۆێ پەشتیوانی وێش پەی کوردی نیشانەدا و ئەرەیاوناش؛ ئازادی ڕابەر ئاپۆی شەرتۍ سەرەکیەنە جە چارەسەری ئاشتیانە و دادپەروەرانەو پەرسو کوردینە.
وێکەر موزیکژەن و چالاکوان ڤیدیۆیێش بە مەبەسو پەشتیوانی جە چارەسەری پەرسو کوردی و باسکەردەی گرنگی ئازادی ڕابەر ئاپۆی جە چارەسەر کەردەی دادپەروەرانە و ئاشتیانەو پەرسو کوردینە وەڵاکەردۆ.
وێکەر هامکات هجومەکۍ ڕژێمو ئەردۆغانیش پەی سەرو ۋەرنیشتی، سەرنیشتو سوریای، شەنگالی و پانیشت و کوردەسانی بە پاشێلکەردەو یاسا میاندۆڵەتییەکا و تاوانەی دژ بە مرۆڤایەتی بەنامێ کەرد.
وێکەر ئاماژەش پانەیە کەرد، "ئاشتی و دادپەروەری کۆمەڵایەتی مافی ڕەواو گەلوو کوردەسانی و وەرنیشتیا، پەی چارەسەری ئاشتیانەی و دادپەروەری پەی گەلو کوردی مشۆم عەبدوڵا ئۆجالان ئازاد بکریۆ، ئازاد کەردەو ئاڎیی شەرتۍ سەرەکییەنە پەی ئاینڎێوە ئارامی و دیموکراتیکی جە کوردەسان و تورکیانە."
پەنەوازش بە پەشتگیریی میاننەتەوەییا
کۆنستانتین وێکەر موزیکژەن ئانەیچش وس رووە: پەرسو وەرنیشتی پەیوەندیش بە گردیماوە هەن، گەلو وەرنیشتی ئیسە پەنەوازیشا بە پەشتیوانی میاننەتەوەی ئێمە هەن، پەنەوازا پەی ئازادی ئۆجالانی هەرپێسە چنین پەی نیلسۆن ماندێلایما کەرد، هەڵمەتێوە میاننەتەوەییە دەس پنە بکەرمێ.
کۆنستانتین وێکەر کێن؟
کۆنستانتین وێکەر کە بە ئاوازو، "شەرمەزاری ئۊروپا" ی ئشناسیان، نەک تەنیا مۆسیقاژەنێ نامیەن، بەڵکم ئاوازۍ منیۆرە، ئەکتەر و نوویسەر و چالاکوانێوە سیاسیین جە بوارەکا مافو مرۆڤی، ئاشتی و دادپەروەری و کۆمەڵایەتینە عەیامێوەن ئەرەکۆشای مکەرۆ. بەرهەمە هونەری و کۆمەڵایەتییەکێش پێسەو سەرچەمێوە ئیسفاڎە هۆرگێرتەی بیێنۍ پەی گەلا ستەم ۋنە کریای.
