وینیشاندەرەکۍ سەروجادەو بلوور-یۆنگی جە دلێڕاسەو تۆرنتۆینە گلێرێ بیێوە و داواکارییەکێشا پەی ئاشتی، ئازادی، دادپەروەری و دیموکراسی وستۍ رووە. بەشدارا بە پۆستەرەکا ڕابەر ئاپۆی و لافیتەکا "ئازادی پەی ڕابەر ئاپۆی"ۆ ڕاپیمایشا کەرڎ و ئەرەیاوناشا، کە ئازادی ڕابەر ئاپۆی پەی قەوەتکەردەی هیواو ئاشتی و ئازادیی گەلو کوردی فرە گرنگا.

جوانێ بە جلوبەرگو گەریلای و نەتەوەییوە بەشداریشا جە چالاکییەکەنە کەرد و هۆرپڕایشا ساز کەرد.

جە چالاکییەکەنە دروشمەکا پێسەو " بژیوۆ سەرۆک ئاپۆ"، "هیزی ماندێلا، ئارۆ ئۆجالانا"، "ئازادی پەی ئۆجالانی"، "بێ سەرۆکی ژیوای نمەبۆ"، "بژیۋۆ مدرامانو گەریلای"، "ژەنی، ژیوای، ئازادی" وچیێوە.

جە چالاکییەکەنە چن وەڵاکریێوە دەربارەو گرنگی ئازادیی ڕابەر ئاپۆی و کاریگەرییەکاش سەرو چارەسەرو پەرسو کوردی و چەسپنای ئاشتی جە وەرکەوتو مېیامینینە وەڵۍکریێوە.

هەر جە چالاکییەکەنە داواو دمای ئاردەی بە گۆشەگیر و گێرتەی ڕابەر ئاپۆی کریا و ئانەیچ وزیا ڕووە کە مشۆم گلێرگەی میاننەتەوەی چا مژارەنە وەرپرسیاری ۋێش جابەجۍ بکەرۆ و داوا ۋنەو نەتەوەیۆگێرتەکا و حکومەتو کەنەدای کریا کە پەی ئازادیی ڕابە ئاپۆی هەوڵەکاشا وزانە گەڕ.

چالاکییەکە بە واتەیۆ دروشمۆو "بژیوۆ سەرۆک ئاپۆ"ی دمایش پنە ئاما.