فەرماندەو گرڎیی هێزەکاو سوریای دیموکراتیکی (قەسەدە) مەزڵوم عەبدی سەبارەت بە وڕنای رژێمو دیمەشقی سەرو پەلیانەو ۋێشۊ ئەرەیاۋنێوەش وەڵا کەرڎۆ و ئەرەیاۋناش، "ئێمە ئارۆ جە سوریانە بە ساتە وەختێوە تاریخیرە موېیەرمۍ. ئێمە شایەتۍ وڕناو رژێمێوە دیکتاتۆرینمۍ جە دیمەشقەنە. ئانە دەرفەتێوەن پەی ئانەی سوریێوە تازە بنیاڎ بنریۆ، کە پەشتی بە دادپەروەری و دیموکراسی بینۆنە و مافەکا گرڎو دووریەکا دەسەبەر بکەرۆ. ئا فاڕیایە نەک هەر پەی سوریای، بەڵکم پەی گرڎو هەرێمەکەی ئاماژەن پەی سەردەمێوە هیوابەخشی".

عەبدی ئانەیچش وست ڕووە، کە پێوەس بە ئایندەو سوریای مشۊم پەشتیوانی و یەکریزی جە مابەینو گەلانە پەرەش پنە بڎریۆ و واتش، "مشۆم سورییەکۍ گرڎ دەورو یەک مەرامی هامبەشیرە کوۍ باوە و ئاشتی یاگۍ جەنگی گێرۆوە". مەزڵوم عەبدی پەی سەروستەی ئا قۆناغێچە ئاماژەش بە گرنگی رێککۊتەی نەتەوەیی کەرد.

وڕنای رژێمو دیمەشقی نەک هەر پەی دمایئاردەی بە جەنگو دلێینەی، هەرپاسە پەی سەر جە نۆ بنیاڎ نیایۆ سوریایچ پېسە دەرفەتێوە گۆرەی منریۆرە".

جە ئەرەیاۋناکەو مەزڵوم عەبدینە جەخت جە گرنگی چەسپنای دیموکراسی و دادپەروەری جە سوریانە کریانۆ.

چی سەردەمە تازەنە ئانەی مایۍ گرنگی پنەداین بریتیا چانەی کە دەورو ۋێڕاوەبەری سەرنیشت و ۋەرکۊتوو سوریای بە چ شێوێوە مەبۆ و جە هەرێمەکەنە چ جۆرە فاڕیایۍ مێنە ئاراوە.