ھامسەرۊکاو کەجەدەکەی- ئەرەېاۋناشا ېۊ جە شەھیڎەکاو پاریس-ی پێشەنگە و جمیەروو ژەنا کوردی ئەڤین (ئەمینە کارا) بیێنە ، جە جمیەروو ڕۊشنۋیریچنە "میرپەروەر" و "عەبدوڵڵا کزل" گیانشا ئەسپارا و شەھێڎۍ بیۍ، داواو بەشڎاربیەیشا کەرڎ جە چالاکییە گۊرەکەو ئارۊیەنە .

"فاتۆش گۆگسونگەر" و "ېوکسەل کۆچ" ھامسەرۊکا کۊنگرەو گلێرگەو دیموکراتیکوو کورڎسانی جە ئۊرووپا (کەجەدەکە ئۊروپا/KCDK-E) جە کۊڼفرانسێۋە ڕۊنامە وانینە، ناسنامەو ېەرە  شەھیڎەکاو ھجوومەکەو سەروو دلێنەو ڕۊشنۋیریی کوردیشا جە شاروو پاریسوو پایتەختوو فەڕەنساینە وەڵا کەردێ .

ئەرەیاوناکەی، جە پاریسنە وەڵا کرېاۋە و "گۆگسونگەر" بە زۋانی "تورکی" و "ېوکسەل کۆچ" بە زۋانی "کورڎی" ئەرەیاوناکەیشا وەناۋە و ھەرڎووۍ

ھامسەرۊکۍ  ئانەشا یاونا؛ کە ھەر ېۊ جە "ئەڤین (ئەمینە کارا)" پێشەنگە و جمیەروو ژەنا کوردی و "میرپەروەر (م. شیرین ئایدین)" و" عەبدوڵڵا کزل" جە جمیەروو ڕۊشنویریی (تەڤ چاند)ییەنە شەھیڎۍ بیێنۍ .

ھامسەرۊکاو کەجەدەکەی-  داواشا جە گرڎوو گەلوو کوردی کەرڎە، بەشڎاریی ۋێنیشاندایە گۊرەکەو ئارۊی بکەرا، کە پۍ ناڕەزاییبەروستەی دژوو ھجوومە تیرۊرستییەکەو پاریس-ی و ئیڎانەکەرڎەی و کەمتەرخەمیی فەڕەنساین، جە وەرانوەروو ڕژێموو تورکی فاشیستینە.

وێنیشانداکەی ئارۊ شەمە(٢٤) و کانوونو ېەکەمی جە سەعات (١٢:00) جە "پڵەس دېلا ڕیپۆبلیکا" ملۆ ڕاوە .

ھ.ئ