نوعمان کورتولموش پەی گەڕۍ تەری بیۆ بە سەرۆکو پەرلەمانو تورکیای
جە گەڕی یەرەمو دەنگدای لوجنەو گرڎیی پەرلەمانو تورکیاینە، بە دەنگو ٣٢٩ پەرلەمانتارا، جارێوەتەر نوعمان کورتولموش بیۆ بە سەرۆکو پەرلەمانو تورکیای.
بە بەشداریی ٥٢٩ پەرلەمانتارا جە گەڕی یەرەمو دەنگدای لوجنەو گرڎیی پەرلەمانو تورکیاینە جارێوەتەر نوعمان کورتولموش پەرلەمانتارو ئاکەپەی بیۆ بە بە سەرۆکو پەرلەمانو تورکیای.
هەریۆ جە نوعمان کورتولموش، پەرلەمانتارو ئاکەپەی جە ئەستەنبوڵ ٣٢٩ دەنگۍ، ئوگور بایراکتوتان، پەرلەمانتارو جەهەپەی جە ئارتڤین ١١٨ دەنگۍ، عوسمان جەنگیز چاندار، پەرلەمانتارو دەم پارتی جە ئامەد ١٨ دەنگۍ، مسەفا جیهان پەرلەمانتارو ئیی پارتی جە ئەستەنبوڵ ٢٦ دەنگۍ، محەمەد کارامان پەرلەمانتارو پارتو یەنی یۆلی جە سامسون ٢٦ دەنگێشا بەدەسئارڎۍ، هەرپاسە دەنگێوە بێ دیارییکەردەی هیچ کاندێوە دریا و ١١ دەنگێچ پووچۍ کریێوە.
پی جۊرە نوعمان کورتولموش، جارێوەتەر بیۆ بە سەرۆکو پەرلەمانو تورکیای.
کورتولموش دماو هۊرچنیەیۊیش بە سەرۆکو پەرلەمانی واتش: ۋەرپرسیاریما ۋەرا ۋەر بە نەوەکا ئایندەیما ئانەنە کە سەدەو دووەمو کۆمارەکەیما بە دەستوورێوە بنەڕەتی مەدەنی و دیموکراسی و هەمەلایەنە سەروزمۍ، پېوەرە ویر جە پرسو تورکیایۍ بێ تیرۆری مکەرمېوە، کە چی ماوەنە پېسە دەرفەتێوە تاریخی ئامان وەڵۍ و دەمودەستەرین مژارو تورکیایا، مشۊم گرڎما ویرش چنەبکەرمېوە و چارەسەرش بکەرمۍ.
