نویسەرە و هورگێڵنەی سۆسیالیستییە سەڤیم بەلیە ئیستەنبوڵنە گیانش جە دەسدا. سەڤیم بەلیە جە ساڵەو ١٩٢٥ ئیستەنبوڵەنە جە ئەڏێ بییێنە، دماو تەمام کەردەو کۆلێژو پزیشکیش زانکۆو ئیستەنبوڵی لوا ئەمریکا و دماو گێڵایۆش، جە پاریسەنە پەروەردەو پسپۆری پزیکیش وینان.

دماتەر جە پاریس بەشداری ٢هەمین فیستیڤاڵیپو جوانا و ونکارا جەهانی بییەنە، جە ئابو ١٩٥١نە بەرلینەنە چەمش بە نازم حیکمەتی کۆت و دماتەر پێسەو پەیوەندی بەینو سەرکردەو دلینەی و چبەری TKP هەرمانەش کەردێنە.

کاتێ جە ئیستەنبوڵەنە ملۆنە پاریس ڕانە زینانییە کریۆ. چوونکە جە وەراوەرو TKPنە ئۆپراسیۆنێوە وەرفراوانش دەس پنە کەردەبی. جە ئۆپراسیۆنێوەنە بە نامێ "٥١ گێرتەی" دەس بە سەرە کریاو و تەمامو ئەنداما کۆمیتەو مییانو TKP زینانیێ کریێ. ساڵەو ١٩٥٧نە جە زینانە چنی یۆ جە ئەنداما اوەبە٤ی TKPی ماهر بەلی هامسەر گیریش کەرد.

جە کودەتاو ١٢و ئاداری جارێوە تەر زینانییە کریا و ٣ ساڵێ جە زینانە مەنۆ. دماو کودەتاو ١٢و ئەیلولی واوەی لواوە چبەرو وڵاتی. چاکاتەنە کتێبێوە یاڏەوەری بە نامێ ‘Boşuna Mi Çîgnedîk’ نوست.

دماو ساڵانێوە جە گێڵایۆ پەی ئەستەنبوڵی و دماو ژیوێوە جە وانایۆ و نویستەی عەمرەو خوایش کەردە.