ئەرەیاۋناکەو ناۋەنڎو یاۋنەری و چاپەمەمەنی ھەپەگەی پی جۊرەنە :

" ھامڕاما سۊران گابار ۋەختۍ چنی ھامڕایاما کەنداڵ ئالان ئەشناسیا بە (مەتېن ئاکگول)ی و سەرڎەم ڕەشېڎ ئەشناسیا بە (محەمەڎ یەڵدز)ی پێسە یەکېنێۋە تایبەتی سەرو ئەرک و ۋێشاۋە بێنۍ ، جە ھجومێۋی دوژمنېەنە گەشمەرڎۍ کریۍ . سەرۋەشی جە خانەواڎەو ۋڵاڎ پارێزی ھەڤاڵ سۊرۊ گاباری و گەلو بۊتانی ۋڵاڎ پارێزی و گرڎو گەلو کورڎسانی کەرمێنە . جە کەسایەتی گەشمەرڎە قارەمانەکامانە جارێۋی تەر عەھد مرەیمۍ کە ئەرەکۊشاو ئاڎیشا گۊرە بکەرمۍ و بېاۋنمێش بە سەرکۊتەی و یاڎشا بە زینەیی راگێرمۍ .

ناسنامەو ھامڕایما سۊرۊ گاباری پی جۊرەنە :

نامۍ : وەدات ئۊتون

ئەشناسیا بە : سۊرۊ گابار

یاگۍ جە ئەڎابېەیش : شڕناخ

نامۍ ئەیڎاو تاتەیش : ئەمېنە – حامیڎ

ۋەخت و یاگۍ گەشمەرڎەبېەیش : ٣١ و تەمووزو ٢٠١٩ ی جە ھەرێمەکاو پارێزناو مەدیای

ھامڕاما سۊرۊ جە خانەواڎێوە ۋڵاڎ پارێزو خەڵک و بۊتان و شارو شەرناخی جە ئەیڎابېەن ،

ساڵەو ٢٠٠٥ی تاتەو گەشمەرڎە سۊرۊی بەمەڵامەت و ھامکاری کەرڎەیش پۍ گەریلاکاو  ئازاڎی کورڎسانېۊ کۊتەبۍ گێرتەخانە . ساڵەو ٢٠١١ی ھامڕا سۊرۊ ئاما دلۍ ڕیزەکاو گەریلای و دماو دەسپنەکەرڎەو ھجومەکاو بەرەو نوسرەی و داعشی پۍ سەرو ۋەرنېشتو کورڎسانی ڕوۋەش کەرڎە ئا لێژە(بەش)ەو کورڎسانی و پۍ ماۋەو ٥ ساڵا جە فرەو جەنگەکانە جە دژو ئا چەتا جەنگش کەرڎ .

دماو بەشڎاری کەرڎەو ھەڤاڵ سۊرۊی ، واڵێۋەش و یەرۍ برۍ تەریچش تێکەڵ بە ڕیزەکاو گەریلای بېۍ ، ساڵەو ٢٠١٤ ی برێۋەش بە نامۍ (سدیق ئۊتون) ئەشناسېا بە بۊتان بەستا

جە مڎرامان و گەریلای جە دژو چەتەکاو داعشی جە کۊبانۍ گەشمەرڎەبی و برێۋە تەریچش بە نامۍ (قادر ئۊتون) ئەشناسیا بە دەوران سۊرۊ جە قۊناغەو ۋێڕاۋەبەری و ھجومو فاشېزمو ترکېەی پۍ سەرو شارەکاو سەرکۊتو کورڎسانی بی بە ئەنڎامو یەپەسەی جە شەڕناخ و چا مڎرامانەنە گەشمەرڎە بی .

ھامڕێما بۊتان و دەوران و سۊرۊ نامۍ ۋێشا جە ۋەڵېنگەو ئەرەکۊشایمانە پێسە یەرۍ برایا کە پۍ ئازاڎیی ۋڵاتی و گەلەکەیشا بۍ تەرس  جەنگشا کەرڎو گەشمەرڎۍ بیۍ . ئا ھامڕێما کە ھێماو قارەمانێتی و دیارتەرین نمونەو ۋڵات پارێزو گەل و بۊتانی و ڕۊڵۍ ڕەسەنو ئی گەلەېنۍ کە ئایشا گۊرۍ کەرڎێنۍ ، سەرۋەشی جە خانەواڎەی ۋڵات پارێزیماو گەلو بۊتانی و گرڎو گەلو کورڎسانی کەرمۍ ، کە ڕۊڵۍ قارەمانۍ پی جۊرەشا پەرۋەرڎەکەرڎێنۍ .

ھ.ش