دلێنەۋ ېاۋنەری و چاپەمەنی ھەپەگەی سەروو ئی مژارییە پی جۊرە زانیارییش وەڵا کەردۊ.

*جە ھەرێموو "زاپ"ینە و جە ئاکاموو کۊشیاێۍ گەریلا قارەمانەکانە ئەرەگیرۍ سزا دریا .

سوپاو ترکیەی ئەرەگیری (٢)ۍ کەرەتۍ بە بۊمبی قەڎەغە و (٢) کەڕەتێ-چ بە چەکې کیمیاۋې بۊمبوارانوو سەنگەرەکاو مڎرامانوو گەریلایشا کەرڎ. جە ھەمان وەختەنە (٩) کەڕەتۍ بە تەېارەی جەنگی و بە دەېەھا کەڕەتێچ  بە کاتیۊشا و تانک و چەکێ قورسێ، بۊمبوارانشا کەرڎ.

 زانیاریی فراوانتەر سەروو کۊشیای(چالاکی) و ھجوومەکا پێسنەنە :

*جە ڕۊدېاروو (٢٥)مانگەو کانوونوو ېوەمیەنە و جە سەعات (١٥:٣٠)دما نیمەڕۊی نزیک بە مەېڎانوو چەمچۊی جە ناحیەو شیلادزۍ سەر بە قەزاو ئامێڎی، چن ئەرەگیرێوە گەرەکشا بۍ  وەربەرەو سەنگەرەکاو مڎرامانوو گەرېلاېنە کەلوپەلی پلاسیکی سۊچنا و جە ڕاو دووکەڵەکەیشۊ زەھر کەرا دلۍ سەنگەرەکاو گەرېلاې، ھێزەکێما وەنەشا ئامێۋە دەسێ و جە ئاکاموو کۊشیاو سابۊتاژیەنە ئەرەگیرێۋەشا بە سزا یاونا.

* جە ڕۊدېارو (٢٦)مانگەو کانوونوو ېوەمیەنە و جە مەېڎانوو مڎرامانوو چەمچۊی جە ناحیەو شیلادزۍ سەر بە قەزاو ئامێڎی،سەنگەرەکۍ مڎرامانوو گەرېلاې (٢)کەڕەتۍ بە چەکی کیمیاۋی بۊمبواران کرېۍ.

* جە ڕۊدېاروو (٢٦) مانگەو کانوونوو ېووەمینە و نزېک بە مەېڎانوو چەمچۊی و دەگاو سیدای، سەر بە ناحیەو شیلادزۍ جە قەزاو ئامێڎی، سەنگەرەکۍ مڎرامانوو گەرېلاې (٢)کەڕەتۍ بە چەکی قەڎەغەکرېا بۊمبواران کرېۍ.

 * جە ڕۊدېاروو (٢٦)مانگەو کانوونوو ېوەمیەنە مەنتێقە دەشتاییەکێ ھەرېۊ جە دەگایەکاو (دێرک ، بڵند بازو گارەی، سێدار)ی چەنی کەشوو چارچەل-ی (٩) کەڕەتۍ بە تەېارەی جەنگی بۊمبۋاران کریۍ.

* جە ڕۊدېاروو (٢٦)مانگەو کانوونوو ېوەمیەنە سەنگەرەکۍ مڎرامانوو گەرېلاې جە دەوروبەروو مەېڎانوو چەمچۊی جە ناحیەو شیلادزۍ، سەر بە قەزاو ئامێڎی، بە دەېەھا کەڕەتێ  بە کاتیۊشاو تانک و چەکی قورس بۊمبواران کرېۍ.

ھ.ئ