پەکەکە ئەرەیاوناش، ئاکەپە و مەهەپە چەنی بوومەلەرزەکەو ٦و شوباتی جارێوە تەر سەروو خەتێ گیریێوە و و واتشا، " گەرەکشا ئەنجامەکاو بومەلەرزەکەی کەرۊ بە بەهانێ پەی جەنگی و بە ئەرەیاونای دۊخی نائاسایی عومروو وێش درێژ کەرۊوە.
ئەرەیاونیاو کۊمیتەو ڕاوەبەریی پەکەکە چینەن:
"پێسە تەڤگەروو ئازادیی کورڎستانی و گەلوو کورڎی، کە ئینایمێ ٢٤ ساڵەو پیلانگێڵیی ١٥و شوباتینە، کە 'ڕۊو قاڕچنیەیۊو کورڎین'، کارەساتی دووەمینی گەورە سەرەمارە ئامان و ئێمەش چڵاکنێنمێرە. سەرسەعبوو ٦وو شوباتی بومەلەرزێوە گەورە کەوت، کە کورڎستان و تورکیا و سووریاش گێرتێوە،چ بوومەلەرزە گەورەنە کە تاومێ بە کارەساتوو سەدەی نامێش بەرمێ، جە دەیان شار و شارۊچکێنە، هەزارا دەگێنە، زەرەرێوە فرە کەوتەن هەزارا بینێ و یانێ وێرانێ بیێنێ، بە دەیان هەزار کەسێ مەرڎێنێ، سەدان هەزار کەسێ بریندارێ بیێنێ و ئی کارەساتە کاریگەرییش سەروو ملوێنان کەسا وەش کەرڎەن. ئینە ئاماروو پەنجەمین ڕۊو کارەساتەکەین. ئاماروو بوومەلەرزەکەی کە ئینایمێ دۊخوو سەختوو زمسانینە، فرە گەورەتەرا.
هامخەمێ ئا کەسانمێ، کە بوومەلەرزەکە کاریگەرییش سەرشا وەش کەرڎەن
ئاشکران کە جە بوومەلەرزەکەو ٦وو شوباتینە کە جە شاروو مەرەشی ڕووەش دا، زەرەرێ فرە بە گەلوو کورڎی و گەلاو تورکیای و سووریای کەوت. پێسە گەلوو کورڎی، پێسە گەلاو وەرکەوتی دلێڕاسینی و ئینسانیەتی، زەرەرەکێما فرە قورسێنێ، ئێشەکێما فرە فرێنێ. هامبەشوو خەموو گردوو ئا کەسانمێ، کە بە بوومەلەرزەوە زەرەرشا وەر کەوتەن. خوای گەورە ڕەحم پا کەسا کەرۊ کە چی کارەساتە گەورەینە مەرڎێ. حەرپاسە بە هومێدوو زوو خاسبییەیۊنمێ پەی بریندارەکا. سەرەوەشیی جە کەسووکاروو ئا کەسا کەرمێ کە مەرڎێنێ، هامخەمیی وێما پەی گەلەکەیما و گەلوو تورکیای و سووریا پەی گردوو ئینسانیەتی بەر وزمێ. جە دڵۊ سپاسوو گردوو ئا کەسا کەرمێ کە سەفەربەرێ و هامکارێ بێنێ، پەی کەمکەرڎەیۊ زەرەرەکا ئی کارەساتە گەورەیە و کەمکردەیۊ ئی ئێشی و ساڕێژکەرڎەی زەخمەکا. ئێمە پەنەما پاسەن گەلەکەما و ئینسانیەت جە وەراوەروو ئی کۊسینە مردۊوە و سەر گنۊ.
دەوڵەت و دەسەڵات کە گلێرگەی ور خەڵەتنا، بکوشا
بێگومان بوومەلەرزە کارەساتێوە سروشتیین، کە چێوو زەمینینە ڕووە مدۊ. دۊخوو سەروو زەمینی تا چە ڕاددێوە کاریگەرییش سەروو ئینەیۊ هەن، تا ئیساتێ بەخاسی مەزانیۊ. وەلێم ئینسانیەت خاس مزانۊ کام یاگێ یاگێ بوومەلەرزەینێ، مزانیۊ کە خەتەو بوومەلەرزەکەو ٦وو شوباتی، کە شاروو مەرەشی بێ، یاگێوە گرنگوو بوومەلەرزەین. جگە چانەیچ پرۊژەکاو ئەرەنیشتەی وەراوەروو بومەلەرزەکەیۊ گونجیێ نەبێنێ، حیچ ڕاوشۊنێ جیددی وەراوەروو بوومەلەرزەکەیۊ نەگیریێنێرە وەر و ئینەیچ سەبەبی سەرەکیی ئا قۊمیایا بییەن، کە جە وەختوو بومەلەرزەکەینە قۊمیێنێ. بەڕۊشنی وینیۊ ساڵانێوەن دەیان ملیار دۊلارێ دلێ گلێرگەینە کۊ کریانۊ، کە ماچا پەی بوومەلەرزەین، وەلێم پەی ئا مەبەسی بەکار نامان، پێشکەش بە لایەنگێراو ئاکەپە-مەهەپەی کریان و زەريکە دماییش ئامان. پەوکای ئێمە ماچمی بوومەلەرزە مەکوشۊت، نەگێرتەیرە وەروو ڕاوشۊنی پێویسی و کەمتەرخەمی کوشۊت، دەوڵەت و دەسەڵات کە بە فێڵێ و درووێ گلێرگەی خەڵەتنا دە بکوشەکەن.
دەسەڵاتوو ئاکەپەی و مەهەپەی وەرپەرسی سەرەکیین
ئیساتێ با بواچمێ 'بوومەلەرزە کارەساتێوە سروشتیین'. وەلێم ڕاوەبەروو ئاکەپە-مەهەپەی کە ماچۊ 'من ڕاوشۊن دژوو بوومەلەرزەکەی گێروونە وەر'، بەڕۊشنی هیچ ڕاوشۊنێوەش نەگێرتەنرە وەر. جەڕاسینە بوومەلەرزەکەو ٦وو شوباتی ڕووەو دەسەڵاتوو ئاکەپە-مەهەپەیش وستە ڕووە، دەمامکوو ئاکەپە و مەهەپەیش وستەرە وار. ئا ڕاسییە کە ئاشکرا بی پێسنەن: یەکەم: ڕاوەبەروو ئاکەپە-مەهەپەی حیچ ڕاوشۊنێوەش بارەو بوومەلەرزەکەیۊ نەگرتەنرە وەر، ئا زەڕە کە جە خەڵکیشا ور گێرتەن، پێشکەشوو کەسوکارییشا کەرڎەن؟. دووەم: ئا دامودەزگێ کە گوایە ڕاوەبەریی ئاکەپە-مەهەپەی پەی ئی نۊعە حاڵەتا، نەتاوانشا ئەرکەکاشا پۊڕنا، نەتاوانشا حیچ هەنگامێوە پەی چارەسەرکردەردەی ئا وێرانکارییە بۊنەو بوومەلەرزەکەیۊ وەش بیەن بنیا. بە مانایێ تەر ڕاوەبەروو ئاکەپە-مەهەپەی هەڵمەتەو هامکاری و ڕزگارکەرڎەیش بە کە یاگێ ڕازیبییەی نەکەردێنە و گلێرگەشا بەتەنیا جیا ئاستەن. پی دووە سەبەبا وەرپەرسی سەرەکیی زەرەرەکایچ و مەرڎەیچا ڕاوەبەروو ئاکەپە – مەهەپەیە. یەرەم: ئیدارەو ئاکەپە-مەهەپەی بە ئەرەیاونای 'باروو نائاسایی' هەوڵێ سیاسیکەرڎەی ئەنجاموو ورچنیایەکا مدۊ و سەروو ئا بنەمێ عومروو حوکمەتەکەیش درێژ کەرۊوە.
ڕێکوزیایەکاو گلێرگەی مەدەنی جیاتیی ئانەی چەمەڕوانوو دەوڵەتی کەرا، پێویسا چارەنویسوو وێشا دیاری کەرا
ئەگەر فرەیچ نەبۊ، وەلێ ئا هامکاری و پەشتگیرییە، کە گەلەکەما پێشکەشش کەردن پەی کەمکەرڎەیۊ ئازارەکا دەورێوە گەورەش وینان. بەتایبەتی دماو شۊکی ئەوەڵێن، جە ئاستوو سەفەربەرینە پەشتگیریێوە خاس کریان. ئا دۊخە نائاساییە کە فاشیزموو ئاکەپە و مەهەپەی ئەرەیاوناش، مەتاوۊ ڕاگێری چا هامکارییا کەرۊ. وەلێ پێویسا چی ڕووەوە هۊشیارێ با: ڕاس نییا کە گلێرگە ژیوای و چارەنویسوو وێش بدۊ دەسوو دۊڵەتیوە. دماو کارەساتەکەی چەمەڕوانوو دەوڵەتی کریۊ، هەنگامە ڕاسەکێ ئانەنێنە کە وێشا چارەنویسوو وێشا دیاری کەرا. ڕاوەبەروو فاشیستوو ئاکەپەی و مەهەپەی بەپاو دەوڵەتبییەی جووڵیاوە و کەچی ئا زەڕە پەی بومەلەرزەکەی کۊ کریانۊ، پای وێشا بەکارش مارا. پێویسا ڕاسیی دەوڵەتی و دەسەڵاتی گرکەس بزانۊش. رێکوزیایە مەدەنییەکێ جیاتیی ئانەی چەمەڕوانی دەوڵەتی کەرا، پێویسا چارەنویسوو خۊیان وێشا دیاری بکەرا.
تەڤگەروو ئازادیما سەرەتاو کارەساتەکەینە بانگەوازش جە گەلەکەیما، گەلا و ئینسانەتی کەرڎە کە پەشتگیری کەرا؛ سەروو بناغەو هەنگامەو ' پەشتگیریی گلێرگەی' داواش جە گەلی جە جبەروو وڵاتی، جە پانیشت و وەرکەوتوو کورڎسانی کەرد، کە پەشتگیری جە سەرنیشتی و وەرنیشتی کەرا. بە یاواینەی ئێمە' من حیچ حیچ هۊمێدم بە دەوڵەتی نییا' شۊڕشگێڵنێ و هێزە وەڵاتپارێزەکێ جە ئاستوو سەفەربەرینە ڕووەشا جە رزگارکەرڎەی و وردایۊ یانە وڕیایەکا کەرڎە. سەروو ئا بنا‌غەیە کە ئانێ بە وێشا ماچا ئینسانێ ، پێویسا دەرفەتەکاو وێشا پەی زەرەروەنەکەوتەکاو بومەلەرزەکەی بەکار بارا، بانگەواز کریا پەی هێزە شۊڕشگێڵنەکا کە تا هجووم نەکریۊ سەرشا هجووم نەکەرا. بێگومان ئی هەڵوێسەو تەڤگەریما درێژەش.
گەلاو تورکیای حساب جە فاشیزموو ئاکەپەی و مەهەپەی پەرساوە
ئاشکران کە بومەلەرزەکەو ڕۊو ٦ و شوباتی، فاشېزمو ئاکاپەو مەھەپەیش سەرو تاۋانێۋە گێرتەن، دیار بیەن کە باجشا جە گەلی ورگێرتەن، ئا زەڕەی کە جە گەلی ورگېریان، پێشکەش بە لایەنگراشا کەرڎەن و جە دژو گەلو کورڎی جەنگەنە بەکارشا ئارڎەن. ئیسەیچ گەرەکشا بومەلەرزەکەی کەرۊنە بەھانێۋە سېاسی و بە ئەرەیاۋناو ئاژێۋە نا ئاسایی عومرو دەسەڵاتەکەیش درێژکەرۊۋە. بێگومان سەرەتا گەلو کورڎی و گەلا تورکیای و ھێزە دیموکرات وازەکۍ و شۊڕشگێڵەکۍ پەنەوازەن ڕا نەرانۍ کە فاشېزمو ئاکەپەو مەھەپەی دلۍ ئی ئێشو ئازارینە ئاڎیشا خنېکنۊ. گرڎ حەق و حسابۍ جە کردەوەکاو فاشېزمو ئاکەپەو مەھەپەی پەرسمۍ. پەنەوازەن ڕا نە دریۊ کە بە بەھانۍ بومەلەرزەکەیۊ ھورچنیەی دما وزۊ و پەنەوازەن ئی فاشیزمە دلێنە بشۊ.
ئاشکران کە تېمارکەرڎەو زاموو گەورەو بوومەلەرزەکەی و ئاژەو زمسانی و ھۊڵدای پۍ سووککەرڎەی ئێش و ئازارەکا بوومەلەرزەکەی، ۋەختۍ فرەش گەرەکا. نەک تەنیا جە قۊناغەو ورگێرتەو باڵەخانە وڕاکانە، بەڵکم جە قۊناغەو ۋیەرناو زەرەری گەورەو بوومەلەرزەکەیچەنە، پەنەوازەن کە گەلەکەما بە بەقووەتی پەشتگېری کەرۊ و سەفەربەر بۊ. پارتەکەش، یانەکەش، کەلوپەلەکەش، پەنەوازەن چنی زەرەرۋنەکۊتاو بوومەلەرزەکەی بەش کەرۊنە. شەرتەو گەلبییەی، شەرتەو کۊمەڵایەتیبېەی ئینەنە. ئێمە ئېنایمۍ چا قەناعەتەنە کە گەلەکەما گرڎ ۋەختۍ جە پەشتېوانیکەرڎەی ۋەردەوام بۊ و دلۍ ھەڵوێسوو ھامکارینە بۊ.
وچیۊ "گرد جەنگێنە خەیرێ هەنە" ئاوت وازمێ کارەساتە بوومەلەرزەکەی بۊ بە ئامیانوو ئازادی. تەڤگەرەکەما لە وەراوەروو ئەنجامەکاو بوومەلەرزەکەو وانینە دلێ کۊشیاینە بێ. دەسش بە کۊشای ئازادی کەرد. هیوادارێنمێ کە وەراوەروو ئەنجامەکاو ئی بومەلەرزەیۊ دلێ کۊشیاینە سەرکەوتەی بەدەس بارۊ. سەروو بناغەو ئازادیی ڕابەر ئاپۊی، ئازادیی کورڎستانی و دیموکراتکەرڎەی تورکیای مسۊگەر کەرۊ. چێنە ئێمە پێسە تەڤگەری و گەلی، ئیشی قورسما سووک کەرمێ. سەروو ئی بناغەیۊ جارێوە تەر هامخەمیی وێما پەی ئی ئێشە گەورەیە بەر وزمێ، چڕمێ وەنەو گردکەسێ، کە بە بەقووەتی هامکار و پەشتیوانما بۊ."
ھ.ش – ھ.ج
