نمایشگێوە مڏرامانو گەشمەرڏا تشرینی کریاوە
جە بەنداو تشرینینە پەی یاڏکەردەیۆ گەشمەرڏا پێشەنگێوە وێنا کریاوە.
ماوەو ٤٤ ڕوان گەلوو سەرنیشتوو و وەرکەوتوو سووریای پەی پارێزناو بەنداو تشرینی جە هرووژمو دۆڵەتو تورکی ئەرەگیری و چەتەکاش، جە چالاکی ئێشکگیری بەردەوامێنێ. ئەرەنیشتا کانتۆنو جزیرەی کە هیزی شەوێ یاوێ بەنداوەکە، چالاکی ئێشکگیریشا هورگێرت.
بە ئامانجو یاڏکەردەیۆ ٢٤ گەشمەرڏێ مڏرامانو بەنداو تشرینی کە دلێشانە ٣ ڕۆنامەنووسیچ هەنێ، ئارۆ پێشەنگێوە گۆرەو وێنا جە بەنداوەکەنە کریاوە. وێنەو گەشمەرڏا مڏرامانو بەنداوەکەی، هەرپاسە ئا وێنێ کە بەدەس کیشێنێ، کامێرەکێ ڕژنامەوانا گەشمەرڏە، تێنوس و پێنوسو ئاڏشا نیشانە دریا. وەردەموو وێنەو گەشمەرڏانە مۆمە گیسیانە.
جە پێشەنگاکەنە هونەرمەند قەدەر حوسێن قسێش کەردێ و گەشمەرڏا مڏرامانو تشرینیش یاڏکەردێوە و قەولو درێژەدای بە ڕاو ئاڏشاش دا. هەرپاسە داواو درێژەدای بە مڏرامان و پارێزناو دەسکەوتەکا شۆڕشیش کەرد.
