قائیمقامێوە دۆڵەتو تورکی نامێوە کوردیەش بە بەهانۍ ئانەی کە زۋانۍ بیانییا ڕەڎەکەرۆ
ئەنجومەنو شارەوانی فارقینو ئامەدی نامۍ 'رندێخان'یش سەرو باخچێوە نیابێرە، بەڵام ئا نامۍ جە لایەنو قائیمقامو دۆڵەتیوە بە بەهانۍ ئانەی کە 'زۋانی بیانییا' رەڎکریاوە.
ئەنجومەنو شارەوانی فارقینو ئامەدی کە جە لایەنو دەم پارتیوە ڕاوەبەر مکریۆ، قەرارش دا کە نامۍ باخچەو "مېڎانوو کلیچئەرسەلانی یوەمی'' پەی ''رندێخان''ی بواڕۆ. ئا باخچە ساڵەو ٢٠٢٣ تەمام کریابۍ، بەڵام جە لایەنو قەیومو مەنتیقەکەیۆ پېسە ' مېڎانو کلیچئەرسەلانی یوەمی ' نامۍ نریا بۍ.
قائیمقامو فارقینی قەرارشدا بە بە بەهانۍ ئانەی 'نامەکۍ تورکیە نییەنە و جە فەرهەنگو دەزگاو زۋانی تورکینە نییەنە و بە پاو بنەماکا بیانییەنە' ئا قەرارەو شارەوانی ڕەڎ بکریۆوە.
