قەسەدە: ٢ چەتێ و سەروازێ تورک کوشیێنێ
جەنگاوەرا قەسەدەی جە ئەنجامو وەربەرچدایۆ هرووژمە ئەرەگیرییەکا هیزی پەی سەرو تشرینی و قەرەقۆزاقی ٣ ئەرەگیرێشا کوشتێنێ، درۆنێوە وێ کوشی وسیانەرە وار.
مییانو ئەرەیاوناو قەسەدەی بە ئەرەیاونێوە پەیوەس بە هرووژمە ئەرەگیرییەکا هیزی دۆڵەتو تورکی و چەتەکاشۆ زانیاریش وست ڕووە.
ئەرەیاوناکەی پی جۆرەنە:
"ماوەو یەرێ مانگێن هرووژمە ئەرەگیرییەکێ دۆڵەتو تورکی و چەتاکێش پەی سەرو هەرێمەکا سەرنیشتوو و وەرکەتوو سووریای بەردەوامێنێ.
قۆڵق پانیشتوو وەرکەوتوو منبجینە؛ هیزی (چوارشەممە) جنگاوەرەکێما جە دەگانشینا بەنداو تشرینی درۆنێوە وێ کوشی چەتەکا دۆڵەتو تورکیایشا وستەرە وار. هەرپاسە جە دژو جەمێ جە چەتا کە ئامادەکاریی هرووژمکەردەینە بێنێ گورزە شانا. جە ئەنجامەن چەتێوە کوشیا. هامکات دۆڵەتو تورکی بەنداو تشرینی و دەوربەریش بۆمبواران کەرد و زەرەرێ فرەو ماددی وەرو یاگێ بۆمبوارنەکەی کەوت.
قۆڵو دێر حافری؛ جەنگاوەرەکێما هەوڵێوە چەتەکاشا پەی کەوتەی دلێ سەنگەرەکاشا ماڕا و چەتێوە کوشیا. یەکینەکێ گەشمەرڏە هاروونی گورزەشا جە بارەگاو چەتەکا شانا، بەڵام ژمارەو کوشیایا و زامڏارا چەتەکا نەزانیا.
قۆڵو وەرنیشتوو کۆبانێ؛ فڕۆکەی جەنگی دۆڵەتو تورکی ئەرەگیری کێڵگەو مونیر حەبیبیس بۆمبواران کەرد و زەرەری فرە وەرو باخ و باخاتو هاموڵاتییا مەدەنی کەوت. فڕۆکەی سیخوڕی دۆڵەتو تورکی بە بەردەوامی ناوچەکەنە خولیێوە.
قۆڵو قەرەقۆزاقی و پانیشتوو کۆبانێ؛ فڕۆکەی جەنگی دۆڵەتو تورکی ئەرەگیری دەگاکا خەسەق و مەلحەو پانیشتوو کۆبانێش بۆمبواران کەرد و زەرەرێ فرەو ماددیش ونەکەتۆ. هامکات دەگاکا دیکانی، بیر حەسۆ، مەلحە، خەسەق، جادا، گردی سێڤێ، سینا، تینا و سردەو قەرەقۆزاقی بە تۆپ شانای و موشەکێ بۆمبوران کەرێ. جە وەراوەرو ئی هرووژمانە هێزەکێما جە تەپۆڵکەو قەرەقۆزاقینە چالاکیشا جە دژو گرووپێوە ئەرەگیرا سەروازا تورکی و چەتەکاش ئەنجامدا. ئنەی ڕۆشن بییەنۆ سەروازێ تورک کوشیان و ٤ی تەرێچ زامڏارێ بیێنێ."
