بەپاو ئەرەیاۋنای و چاپەمەنی هێزەکاو سووریای دیموکراتیک (قەسەدە)ی ڕۆو یەرە شەممەی سەرو قسۍ هەواڵدەرێوە گەلو هەرێمەکەی هێزەکۍ ئاسایشی لوۍ پەی هەرێمەکەی کە جموجوڵی گوماناوی بۍ. یەکینەکۍ جە ماوێوە کوڵەنە بازنێوە ئەمنیشا وەشکەرڎ و دماو ئانەی چەتەکۍ داعشی کۊتۍ دامەکېوە جەنگ هۊرگیسیا، جە ئاکامەنە چەتێوە کوشیا. چەتێوەتەریچ جە یاگۍ ڕووەدایەکەینە بڕەما.

جە ئەرەیاۋناکەینە ئاماژە پانەی کریان کە چەتەکۍ پلانەشا متێبێرە کە مین و بۆمبی چنیا چا هەرێمانە بنیارە کە هێزەکۍ قەسەدەی چنەشەنە بنەشا وستێنە، هەرپاسە دماو جەنگەکەی گێڵایۍ ۋەرفراوان جە هەرێمەکەنە دەسشپنەکەرڎ.

مېیانو ئەرەیاۋنای و چاپەمەنی ئاماژەش پانەیە دا کە جە سەیەو هەستیاری و هامکاری گەلو هەرێمەکەیۆ ڕووەدایەکە ڕاش ۋنەگیریان.

جە ئەرەیاۋناکەینە ئانەیچ باسکریان، ئۆپراسیۆنەکۍ جە ۋەرا ۋەرو شانە وتەکا داعشینە بەردەوامێنۍ.