هێزەكێ سووریای دیموكراتیکی (قەسەدە) سەبارەت بە ئامارەو جەنگو  هیزی هێزەکێشا چنی چەتەكا دۆڵەتو ئەرەگیرو توركی جە قۆڵو بەنداو تشرینی و قۆڵو دێرحافری ئەرەیاونێوەشا وەڵا کەردۆ.

ئەرەیاوناکەینە ئامان، هیزی جە قۆڵو دێرحافری جەنگاوەرەکێما گرڏو هرووژمەکێ چەتەكا دۆڵەتو ئەرەگیرو توركیشا پەی سەرو نوقتێ هێزەكاما پووچەڵێ کەردێوە.

هەرپاسە ئەرەیاوناشا؛ چەتەكێ بە پاڵپەشتی فڕۆكەی بێفڕۆكەوان جە دەگاو “ئیمام”ی هرووژمشا کەرد سەرو یۆ جە نوقتەکا هێزەكاما، جەنگاوەرەکێما ڕووبەڕووشا بیێوە و جەنگی سەخت ڕووەشدا، كە دلێشەنە ٢ چەتێ کوشیێ، ئەوێ تەرێچ مێڏانەکەنە بڕەمێ.

باس چانەیە کریا، جە میحوەرو بەنداو تشرینی دۆڵەتو ئەرەگیرو توركی بە تۆپەی قورسە دەورووبەرو بەنداوەكەیشا بۆمبواران کەردەن، هامكاتەنە چەتەکێ هەوڵشادا هرووژم بكەرا سەرو خاڵەو هێزەكاما جە دەورووبەرو تەپو “سیریتل”، بەڵام جەنگاوەرەکێما هرووژمەکەشا پووچەڵكەردۆ، دماو ئانەی جەنگ  ڕووەشدا كە دلێشەنە بڕێ جە چەتەكا زامڏارێ بیێ، بەڵام ژمارەو زامڏارەکا نەزانریا.

ئانەیچ ئامان، فڕۆكە جەنگییەكێ دۆڵەتو توركی جە دەورووبەرو سردەو قەرەقۆزەكی هرووژمشا کەرد سەرو دەگاو “تین”، هامكات چنی تۆپبواران و تۆپخانەكا، جە ڕاو تانكی، موشەك و گوللە هاوەنەكاوە دەگاکا تینە، جەعدە، بیر حەسو، غەساق، دیكان، مەلحە و سەناسا کەرد ئامانج،کە زەرەرێ ماددی وەرچەم بە موڵك و یانە و هاموڵاتیا یاونان.