مییانو زانیاری و ئەرەیاوناو قەسەدەی جە بەیاننامێوە ئەرەیاوناش؛

"ماوەو ٣مانگان هرووژمەکێ دۆڵەتو ئەرەگیرو تورکی و چەتەکاس پەی سەرو ناوچەکا سەرنیشتوو و وەرکەتوو سووریای بەردەواما". ئەرەگیرا و چەتەکاشا بەمەڵامەتوو مڏرامانو قارەمانانە و جەنگاوەراما نمەتاوا بەیا وەڵێوە.

هیزی (شەممە) فڕۆکە جەنگییەکێ دۆڵەتو ئەرەگیرو تورکی بۆمبواران و یاگێ ئەرەنیششتەو کرێکارا بەنداو تشرینیشا کەرد جە پانیشتوو وەرکەوتوو منبجینە. هەرپاسە ناوچەو دەوروبەرو بەنداوەکەی و ناوچە دەگانشینەکا دەوروبەریش بە تۆپ و هاوەنێ بۆمبوران کریێ. چی هرووژمانە زەرەر یاوان.

جە قۆڵو دێرحافری، جەنگ بەینو جەنگاوەری و چەتەکانە ڕووەشدا و ژمارێوە چەتێ کە بە تەمامەتی ڕۆشن نەبییەنۆ کوشیێنی.

هەرپاسە دەگاکا تینا، جادە، بیرحسۆ، دیکان، مەلحا، سناعی و تەپۆڵکەکێ سێوەی و قەرەقوزاقی زیاتەر جە ٣٠ جارێ، بە شێوێ هەڕەمەکی بە تۆپ و تانک بۆمبواران کریێ. جە ئەنجامو هرووژمەکانە زەرەری ماددیشا وەرو یانە و سامانو هاموڵاتیا دان.

هەرپاسە بەدرێژایی ڕۆی فڕۆکەی جەنگی و فڕۆکەی بێفڕۆکەوان بۆمب هورگێر سەرو شارەکا کۆبانی و عەین عیسا و دەگاکا دەوروبەریشەرە خولیانۆ.