رۆنامەوانە پەخشان عەزیزیە فاڕیاوە پەی خەسەخانەی
رۆنامەوانە پەخشان عەزیزیە کە ئێرانەنە سزاو جە قەنارەدایش سەرەرە سەپیان و جە زیڼانو ئێڤینینە دەسبەسەرەنە، فاڕیاوە پەی خەسەخانەی.
بە پاو میدیاکاو ۋەرکۆتوو کورڎەسانی رۆنامەوانە پەخشان عەزیزیە کە ئێرانەنە سزاو جە قەنارەدایش پەی بڕیانۆ، فاڕیێنۆ پەی خەسەخانەی.
ئەرەیاۋییا کە دکتۆرەکۍ ئەرەیاۋنانشا کە، پەخشانە پەنەوازش بە خەسەخانەیا و مشۆم وزیۆ چێرو چەمڎاری دکتۆریۆ.
شیاو باسیا کە جە ٢٣ۍ ئی مانگێنە جە ڕاو هەژمارو پەخشان عەزیزیێوە وەڵا کریاوە کە ئا زیڼانیە سیاسیۍ پەنەوازش بە هۆرگێرتەی چارەسەری پزیشکی هەن و ڕاش ۋنە مگیریۆ کە چارەسەر هۆربگێرۆ. چا وەڵاکریاوەنە ئامابۍ: "پەخشان عەزیزییە بە مەڵامەتوو نەوەشی سەرئێشەی بەردەوامیۆ ئاژەو تەندروسیش خاس نییا و بنەیانەکەش زەڕو چارەسەریەکەیشا گێرتەن ئەستۆ، بەڵام سەرەڕاو ئانەیچ ڕا نەڎریان دکتۆر چارەسەرش پەی بکەرۆ".
