جە ۋەردەوامې سیمینارو چالاکیەکانە پۍ بەرز ڕاگێرتەو ڕۊح و گەشمەرڎۍ " ساکینە جانسز"ۍ و ھە ڤاڵاش جە شارو کەرکوک-و پانیشتو کورڎسانی، ېاڎو ئا ېەرە گەشمەرڎا بەرز ڕاگیریا .

ژەنە شۊڕشگێڵۍ کورڎی " ساکینە جانسز ، فیدان دۊغان ، لەیلا شایلەمز " کە جە ڕۊدېارو ٩ کانونو دووەمو ٢٠١٣ ی جە پاریس کۊکوش کریۍ ، جە شارو کەرکوکی جە لاېەن و ڕێکوزېاو ژەنا ئازاڎی وازو کورڎسان ( ڕەژاک)یوە ېاڎشا بەرز ڕاگیرېا .

ژمارێوی فرە جە ژەناو ڕێکوزېاکاو ماف و ژەنا ئاماڎۍ ېاڎەکەی بێنۍ ، مەراسیمەکە بە دەېەقێوە مڎرای پۍ گیان و پاکو گەشمەرڎا دەسش پنە کەرڎ . دماتەر کوڵە باسێۋە کە سەرو ژیۋاو ژېان و ھەر ېەرە گەشمەرڎا ئاماڎەکرېابۍ نمایش کرېا .

جە مەراسیمەکەنە " ڕوناک مەجیڎ "ە ئەنڎامەو ڕاۋەبەری گرڎی " تەڤگەری ئازاڎی گلێرگەو کورڎسانی " سیمینارێوەش پێشکەش بە ئاماڎەبیا کەرڎو باسش جە ژیۋاو ژېان و گەشمەرڎە " ساکینە "ی کەرڎ .

جە بارەو مەراسیمو ېاڎکەرڎەېۊ ھەرېەرە ژەنە شۊڕشگێڵې کورڎی " ڕوناک مەجیڎ "ە واتش

' ئارۊ جە شارو کەرکوکی  ېاڎو ساڵە ۋەختو گەشمەرڎا " پاریس" یما کەرڎۊ جە مەراسیمەکەنە سەرنجما ھوست سەرو ژېان و ژېۋای ھەر ېەرە ژەنە شۊڕشگێڵۍ کورڎی " ساکینە جانسز ، فیدان دۊغان ، لەیلا شایلەمز " چی مەراسیمەنە سیمینارێۋە تایبەت پێشکەش کرېا ، جە سیمینارەکەنە سەرنج وزېا سەرو ئا ڕاسیا ئارۊېە کە ۋەرھەمو ئەرەکۊشای ئا شۊڕشگێڵانە و بیەن بە مایلو شۊڕشێۋە سەرتاسەری جە کورڎسانەنە ، چێرو دروشمەو " ژەنی ، ژېۋای ، ئازاڎی " ڕووە مڎۊ، کە ئایچ ئیلھامش جە شۊڕش و ژەناو کورڎسانی ھورگێرتەن .

" ڕوناک مەجیڎ"ە سەبارەڎ بە ژېان و ژیۋاو شەھیڎ ساکینەی واتش " ھەڤاڵ ساکینە کناچێوە دەرسیمیەی عەلەویەنە " ۋەردەوام دوژمن جە کەساېەتی تاکو کوردینە گەلو کوردیش بە تەمامو ویرو باوەڕیەکاشۊ کۊکوش کەرڎێنۍ پێسە " عەلەوی و ئێزیدی " دۊڵەتو ترکیەی بە شێوێۋە خەڵکو دەرسیمیش کۊکوش کەرڎۍ کە خەڵک شەرم کەرۊ واچۊ من کوردەنا، تورک بیەیش سەپنا سەرشارەو پێسە کوردۍ مەرڎةی مەنۍ بێنۍ ، ھە ڤاڵ " ساکینە " جە عمرێوە کەمەنە درک پینەی کەرۊ کە پۍ چی شەرم جە زوانی کوردی کریۊ ، ھە ڤاڵ " ساکینە " جە کەسایەتی وێشەنە کۊڵیاېۊش چی مژاریە کەرڎ .

سەبارەڎ بە قۊناغەو زینڎانیکەرڎەو ھە ڤاڵ " ساکینە "ی کە ماۋەو (١٠) ساڵا جە زینڎان و دوژمنیەنە زیڼڎانی کریا ، نامبریۍ سەرنجش ھوست سەرو ئا قۊناغەیەو واتش " زینڎانەکۍ دوژمنی پۍ ماڕاو ئیراڎەو گەلو کورڎی وەشکریێنۍ ، ۋەلێم ھە ڤاڵ " ساکینە " بە پێچەوانۊ ئەشکەنجەکۍ ترکیەیش فاڕۍ پۍ مڎرامان و ئەرەکۊشای ۋەران ۋەرو دوژمنی .

جە دماینە، سەبارەڎ بە مەڵامەتو ئامانج گێرتەو ھە ڤاڵ " ساکینە "ی  " ڕوناک مەجیڎ"ە ئاشکراش کەرڎ ؛ ھەرکەسێۋە ئەرەکۊشای کەرۊ جە پاو ئازاڎی پۍ گەلو نەتەوەکەیش بۊنە بە ئامانج و دوژمنی، خەتەو ساکینەکا خەتەو ژېاېۍ ئازاڎین خەتەو " ژەنی ، ژېای ، ئازاڎی "ن خەتەو " ژەنی ، ژېای ، ئازاڎی "چ گرڎو جەھانیەنە ۋەڵا بیەنۊ و تەنھا جە چوار پارچەو کورڎسانیەنە نەمەنەن .

دماو ئەشناساو ژیان و ژیوای گەشمەرڎۍ "ساکینە جانسزۍ " جە ڤیدیۊېەنە باس جە ڕۊڵ و ھەڤاڵ " ساکینە "ی کرېا جە سەرکۊتەو خەبات و ئەرەکۊشاو ئازاڎی وازا گەلو کوردی و ھەرپاسە دەورو ھەڤاڵ " ساکینە"ی جە ۋەڵۍ وستەو ژەنا جە کاېەو شۊڕشگێڵینە کە جە ئیسەنە شۊڕش و " ژەنې ، ژېای ، ئازاڎی " جە گرڎو جەھانینە ۋەڵا بیەنۊ .

ھ.ئ