چالاکییەکە جە چوارچێوەو هەڵمەتەو 'ئازادی پەی عەبدوڵا ئۆجالانی، چارەسەری پەی پەرسو کورد'ینە سازکریا. هامسەرۆکو فەدای دەمیر چەلیک و ڕاوەبەرو ئینستیتیوتی کوردی جە سویسرا ئەمین ئوسلو بەشدارۍ بێنۍ.

نمایشگاو وێنەکا جە دووۍ بەشا پێکئامابۍ. جە بەشی یووەمەنە قۆناغەو ئیمراڵی بە شێوێوە کۆرۆنۆلۆژیکی گێڵیانۆ. جە بەشی دووەمیچەنە بە شێوێوە کۆرۆنۆلۆژیک باس جە شۆڕشو ۋەرنیشتی کریان. هامکات چنی کورڎةسانیا هەرپاسە ژمارێوە فرە جە سویسرییەکایچ پێشوازیشا جە نمایشگاکەی کەرڎ.

جە پانێلەکێنە سەرەتا دەمیر چەلیک قسێش کەرڎۍ، سەرنجش وست سەرو گۆشەگیری رابەر عەبدوڵا ئۆجالانی و گرنگی چالاکییەکا پەی ئازادیی رابەر عەبدوڵا ئۆجالانی.

ئەمین ئوسلو دماتەر قسێش کەرڎۍ و سەرو پەیوەندی بەینو سۆسیالیزمی و زۋانی قسێش کەرڎۍ.

ئوسلو جە درێژەو قسەکاشەنە سەرو تاریخی و تایبەتمەندی زۋانو کوردی زانیاریش وست ڕووە و هەمان کاتەنە بانگەوازش پەی خاوەنداریکەردەی جە زۋانی ئەرەیاۋنا.

دماتەریچ دەمیر چەلیک جوابو پرسیاریەکا پێوەس بە کۆنفیدڕاڵیزمی دیموکراتیکی و ۋێڕاوەبەری دیموکراتیکیش دێوە.