شاندێوە دەسەو کاروبارو کۆمەڵایەتی و کرێکارا ئیدارەو وێڕاوەبەری سەرنیشتوو وەرکەوتوو سوریای مەبەسو لوای شۆنیرەی پەی ئۆپەراسیۆنو ئەمنی دژو شانە وتەکا چەتەکا داعشی جە کەمپو هۆلی، دیڎەنی کەمپەکەیشا کەرد.

شاندەکە جە هامسەرۆکو دەسەو زەهرا شەمۆ و ئەندام و ڕوابەرا دەسەی پێکئامێ بێنێ، جەلایەنو ئیدارەو کەمپەکەیۆ پێشوازیشا ونە کریا.

ئیدارەو کەمپەکەی بەشێوێوە وەرفراوان دماین پێشئامایەکا ئا ئۆپەراسیۆنە ئەمنییەیشادا بە شاندەکەی ئەرەیاوناش، کە هیزی ١٨ و نیسانی جەلایەنو هێزەکا ئاسایشو دلینەی و هێزەکا ئاسایشو دلینە_ژەنی، بە بەشداری یەکینەکێ پارێزناو ژەنێ و پەشتگیری هێزەکا سوریای دیموکراتیکی (قەسەدە) جە کەمپو هۆلینە دەسش پنەکەرد.

بە پاو ئا ئەرەیاونایە کە ئارۆ جەلایەنو هێزەکا ئاسایشو دلینەی وەڵاکریاوە، جە چوارچێوەو ئۆپەراسیۆنەکەینە تا ئیسە ١٦ چەتێ داعشی دلێ کەمپەکەینە باڵبەسێ کریێنێ و دەس سەرو بڕێ چەکێ و تەقەمەنینە گیریان.

شاندەکە ئەرەیاوناش پەنەوازا ئی ئۆپەراسیۆنێ بەردەوامێ بانە پەی ڕاگیری جە چالاکی شانە وتەکا چەتەکا داعشی کە هەوڵمڏا ئارامی هەرێمەکەی تێک دانە.

کەمپو هۆلی ٤٥ کم جە شارو حەسەکەیۆ دوورا و نزیکەو ١٣ هەزارێ و ١٢٤ هاموڵاتیێ عێراقی، ١٥ هەزار و ٨٠٥ هاموڵاتیێ سوری و ٦ هەزار و ٣٨٥ جد خێزانو چەتەکا داعشی گێرۆ وێ