شەهبانە جوانۍ دژو گۆشەگیری ڕاپیمایشا کەرڎ
جمیەرو جوانا شۆڕشگێڵنی سوریای و یۆبیەی جوانە ژەنا کانتۆنو عەفرینی و شەهبای بە ڕاپیمایۍ جەماوەری بانگەوازشا کەرڎ پەی بەدیئامای ئازاڎیی جەسەیی ڕابەرو گەلوو کورڎی عەبدوڵا ئۆجالانی.
جە ڕاپیماکەینە جوانا کانتۆنو عەفرینی و شەهبای بەشدارۍ بێنۍ. ڕاپیماکەی جە چوارڕاو ناوچەو ئەحداسی شەهبای دەسش پنە کەرڎ و بەرەو دەگاو تەل قەرەی کۆتڕا.
چا ئەندامو تەڤگەرو جوانا شۆڕشگێڵنی عابدین محەمەد سیستەمو ئەشکەنجە و قڕکەردەی سەرو ڕابەرو گەلوو کوردی عەبدوڵا ئۆجالانیش شەرمەزار کەرڎ و داواش کەرڎە جوانەکۍ ئاستو ئەرەکۊشای بەرزتەر بکەراوە پەی بەدیئامای ئازاڎیی جەسەیی ڕابەرو گەلوو کورڎی عەبدوڵا ئۆجالانی.
عابدین جە دمادماینە قەولش واوەی کەرڎۆ کە پەی شۆنکۊتەی فکرو ڕابەرو گەلوو کورڎی عەبدوڵا ئۆجالانی و درێژەدای بە ئەرەکۊشای تا ڕزگاکەردەی عەفرینی بەردەوامۍ با.
