شناسنامەو ٢ گەریلایا گەشمەرڎەی ئاشکرا کریا
هەپەگە ئەرەیاۋناش، "هەمڕێما زەردەشت سوروچ و رێباز باگۆک تا دما نەفەس پەی ئازاڎیی گەلەکەیما پېسە قارەمانێوە جەنگشا کەرد و گەشمەرڎۍ بیۍ".
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"هەمڕێما زەردەشت سوروچ و رێباز باگۆک ٣٠ ی ئابو ٢٠٢٤ جە هەرێمو باگۆکینە جە مێردین دژو دژمنی کۆتۍ جەنگ. سوپا ترسنۆکەکۍ تورکی کە نمەیارۆ جە ۋەرا ۋەرو گەریلاکا گیانبازی ئازادینە جەنگ بکەرۆ، ئا مېڎانەی کە هەمڕاکێما چنەش بێنۍ بە فڕۆکەی جەنگی و هەلیکۆپتەری هرووژمبەر بە چڕی بۆمبۋارانش کەرڎۍ. جە ئا کاموو ئا بۆمبۋارانە چڕەینە گەریلاکاو فیدایی ئاپۆییما زەردەشت و رێباز گەشمەرڎۍ بیۍ.
هەمڕێما زەردەشت و رێباز کە خەڵکو رحای و مێردینی بێنۍ و پەی ئەرەکۊشای ئازادی گەلەکەیما خاوەن یەک هوشیاری، بڕوا و رۆحی گیانبازیی ئاپۆیی بێنۍ، شان بە شانو یۆی ئەرەکۊشۍ. پەی ئانەی گەلەکەیما جە فشارو قڕکەردەی رزگار بکەرا، جە هەر ناوچۍ کورڎەسانینە ئا ئەرکەی گنۍ سەرو شاناشا بێ دووەدڵی ئەنجامش دێنۍ. بە دڵسۆزی، بڕوا، ئیراڎە و ئازایەتی بەرزیشا جە دژو دژمنی کۆلۆنیالیستی ئەرەگیری جەنگشا کەرڎ. پڕێوە پەی سەرنیشتوو کورڎەسانی و سەرەڕاو دژواری و تەنگوچەڵەمەکا ئاڵاو ئەرەکۊشایشا جە مێردینەنە شۆکناوە و پېسە شۆڕشگێڵنا نمونەیی سەردەمی لوۍ دلۍ تاریخیۆ. ئا هەمڕا فیدایی و قارەمانێما کە حیچ وەخت سەرەشا پەی دژمنی نەنامنارە، پەی ئازادی گەلەکەیما تا دما نەفەس جەنگشا کەرد و گةشمەرڎۍ بیۍ. هەمڕێما زەردەشت و رێباز بێ دووەدڵی و راڕایی بە گرڎ جۆرێ ۋێشا پەی ئەرەکۊشای تەرخان کەرد. ئێمەیچ قەول مڎەیمۍ کە بێ دووەدڵی سەرو رێبازو ئەرەکۊشای ئاڎیشا هەنگام بنیەیمۍ، مەرامو ئاڎیشا بیاونمۍ بە سەرکۆتەی و پی جۆرە یاڎشا بکەرمێوە.
سەرەوەشی جە بنەیانەی قارەمانو هەمڕایاما، خەڵکو رحای و مێردینی و گرڎو گەلوو کوردی مکەرمۍ.
زانیاری سەرو شناسنامەو هەمڕا گەشمەرڎەکاما پی جۆرەنە:
ناسنامۍ / زەردەشت سوروچ
نامۍ و دما نامۍ / ئادەم ئۆزکان
شۆنەماو جە ئەڎابیەی / رحا
نامۍ ئەڎۍ و نامۍ تاتەی / یازی- حەسەن
شۆنەماو کاتو گەشمەرڎەبیەی / ٣٠ی ئابو ٢٠٢٤/ مێردین
*****
ناسنامۍ / رێباز باگۆک
نامۍ و دما نامۍ / سەلمان داگدەلەن
شۆنەماو جە ئەڎابیەی / مێردین
نامۍ ئەڎۍ و نامۍ تاتەی / خەیریە- حەسەن
شۆنەماو کاتو گەشمەرڎەبیەی / ٣٠ی ئابو ٢٠٢٤/ مێردین
