ئەرەیاونایەکەو ناوەندوو ئەرەیاونای و چاپەمەنیی هەپەگەی:

"هجوومە ئەرەگیرییەکاو دەوڵەتوو ئەرەگیروو تورکینە پەی سەروو هەرێموو خواکورکی، ٤و ئابینە هامڕێما ئاسرین و خویندا، ٢٤و ئابیچەنە هامڕاما ڕۆسەم گەشمەردێ بیێ.

هامڕێما ئاسرین و خویندا کە دژوو دماکەوتەیی گلێرگەی پیاسالاری و ئا کردەوە کۆیلایەتیێ  سەروو ژەنارە مسەپییا، ئایدۆلۆژیای ڕزگاریی ژەناشا پێسەو تاکە ڕاو ڕزگاریی دییە، بە جۆشوخرۆشی فرەوە بەرەو ڕیزەکاو ئازادیی هەنگامەشا نیا. هامڕێما ئاسرین و خویندا هومێدوو ئازادیی، کە گەشمەردێ سەرمەشقێ ئاپۆیێما بە قوربانیدای فرە خولقناشا،گێرتشا باوشی و ئا هومێدەشا گەورەتەر کەرد، گەرەکشابێ وێشا بیاونا گردوو ژەەن بندەسا و بە کۆشیای گیانبازانەو وێشا، یاوێ ئا ئامانجە. هامڕێما ئاسرین و خویندا بیێ بە جەنگاوەرێ  گیانبازیی فەلسەفەو 'ژەنی، ژیوای، ئازادی'ی کە ئارۆ گرد یاگێوە دنیێنە سەروو زوانوو ژەناوە موچیۆوە، بە دڵسۆزیی وێشا، یاگێ وێشا دلێ دڵوو گەلەکەیمانە و سەرجەموو ژەنە وێگیرانە کەردۆ.

رۆڵەی قارەمانوو خەڵکوو سەرحەدی هامڕاما ڕۆسەم ئەوەڵ کوردسانەنە و دماییچ ئەورووپانە بەشداروو ڕیزەکاو کۆشیای بی، بە دڵسۆزی و جەوێویەردەی گەورەوە وەڵاتپاریزنی کەرێ، وەلێ یاوا ئا بڕوێ کە ئینە وەسێ نییەن، پەوکای پێسەو گەریلای ئازادی ڕووەش کەردە کەشکاو کوردسانی، پێسەو گەریلای بەشداروو ڕیزەکاو کۆشیای بی. هامڕاما رۆستەم بە کەسایەتیی ڕاس و درووسوو وێش، بە دڵسۆزییش پەی رابەر ئاپۆی و گەشمەردا ئشناسیا، دلێ ڕیزەکاو گەریلاینە هەوڵێشدێ، زیاتەر بە کۆشیای وێش شایەنوو گەشمەردا بۆ.

سەرەوەشیی جە بنەیانەی بەنرخوو هامڕایاما ئاسرینێ، خویندا و رۆستەم و سەرجەموو گەلی وەتپارێزنوو کوردسانی ممکەرمێ و یادشا بەرز مرمانمێ.

زانیاری سەروو شناسنامەو هامڕا گەشمەردەکاما ئینەن:

شناسنامێ: ئاسرین باوەر

نامێ و دمانامێ: سەڤدا تۆپچو

یاگێ پەیدابییەی: رحا

نامێ ئەدێ- تاتەی: ئایهان- شێخموس

وەخت و شۆنەو گەشمەردەبییەی: ٤و ئابوو ٢٠٢٤/ خواکورک

شناسنامێ: خویندا چیا

نامێ و دمانامێ: نەجلا ئەحمەد سلێمان

یاگێ پەیدابییەی: دێرکا حەمکۆ

نامێ ئەدێ- تاتەی: زەینەب - ئەحمەد

وەخت و شۆنەو گەشمەردەبییەی: ٤و ئابوو ٢٠٢٤/ خواکورک

شناسنامێ: رۆستەم سەرحەد

نامێ و دمانامێ: شاهین پەکور

یاگێ پەیدابییەی: ئیدر

نامێ ئەدێ- تاتەی: گوڵچین- ساڵح

وەخت و شۆنەو گەشمەردەبییەی: ٢٤و ئابوو ٢٠٢٤/ خواکورک