”شنه‌و فه‌رهه‌نگوو هه‌ورامانی” بەزوویی چاپ و وەڵاو مەکریۆنەوە

کتێبوو ”شنه‌و فه‌رهه‌نگوو هه‌ورامانی“ لوا په‌ی چاپی و ئه‌پی زوانه‌ پێشکه‌شوو کتێبخانه‌و هه‌ورامانی مەکریۆن.

کتێبوو ”شنه‌و فه‌رهه‌نگوو هه‌ورامانی“ به‌ قه‌ڵه‌موو ئێبراهیم شه‌مس ی جه‌ ۴۲۰ لاپه‌ڕێنه‌ به‌ قه‌تعی وه‌زیری و جلدی گالینگوور وه‌ڵاوگاو زایڵه‌و مه‌ریوانی چاپش که‌رۆ.
ئی کتێبه‌ به‌ ئه‌رک و زه‌حمه‌توو کاکه‌ ڕه‌حیم ڕه‌حمانی ویراستاری کریان و کاکه‌ عه‌بدوڵڵا حه‌بیبی زه‌حمه‌توو سه‌فحه‌ئاراییش کێشان هه‌ر چن به‌ ئێسراروو وێش نامێش جه‌ کتێبه‌که‌نه‌ ناما‌ینه‌. ته‌ڕاحی ڕووبه‌رگوو کتێبه‌که‌یچ کاروو سه‌عید شه‌مسیا. 

شایانوو واته‌یا ئی کتێبه‌ به‌ دوێ زوانێ فارسی و هه‌ورامی نویسیان. نامه‌ ڕه‌سمیه‌کێ و ئه‌ساسنامه‌و موئه‌سێسه‌ی و ئا ڕاپۆرتێ که،‌ سایته‌کێ پاوه‌ی سه‌روو خه‌به‌ره‌کاو موئه‌سێسه‌ی نویسه‌نشا و وه‌ڵاشا که‌ردٚه‌نه‌و، به‌ خاتره‌و ئه‌سڵوو ئه‌مانه‌تداری، هه‌ر پا شێوه به‌ فارسی نریانه‌ره‌ و ماباقی کتێبه‌که‌ی به‌ زوانی هه‌ورامی نویسیان.

کتێبوو شنه‌و فه‌رهه‌نگوو هه‌ورامانی وه‌ڵینێوش هه‌ن و یانزه‌ فه‌سڵێ که‌ چێگه‌نه‌ سه‌ر فه‌سڵه‌کا منیه‌وره‌:

وه‌ڵینه‌

فه‌سڵوو یه‌کی: ئه‌ره‌مه‌رزیای موئه‌سێسه‌ی
۱- ئه‌ساسنامه‌، دیمانه‌ چنی ڕه‌سانه‌کا
۲- ئه‌وه‌ڵین ئه‌ره‌نیشته‌کێ 
۳- مه‌راسموو ئێفتتاحوو موئه‌سێسه‌ی

فه‌سڵوو دووی: ئه‌نجومه‌ن ئه‌ده‌بی نه‌سیموو پاوه‌ی
۱- ڕێکوسته‌ی ئه‌نجومه‌ن ئه‌ده‌بی شنه‌و (نه‌سیم) پاوه‌ی
۲- ئه‌ره‌نیشته‌کێ ئه‌نجومه‌ن ئه‌ده‌بی نه‌سیموو پاوه‌ی

فه‌سڵوو یه‌رێ: که‌لاسوو زوانی هه‌ورامی
۱- وانگاو زوانوو هه‌ورامی موئه‌سێسه‌و نه‌سیموو فه‌رهه‌نگوو هه‌ورامانی
۲- ئا مسیارێ که‌ جه‌ وانگاو شنه‌و فه‌رهه‌نگوو هه‌ورامانی که‌ مسیارنامه‌شا گێرته‌ن
۳- که‌لاسوو زوانی هه‌ورامی، مامۆسا: فه‌تحوڵڵا ڕه‌زایی

فه‌سڵوو چواری : کۆنیشتێ فه‌رهه‌نگی و ئه‌ده‌بیێ
ئا مه‌راسمێ که‌ جه‌ ئی په‌نج ساڵه‌نه‌ ئه‌ره‌مه‌رزیاو شنه‌ی گێرتێنێش:
۱- هه‌مامه‌کێو داستان کۆتای هه‌ورامی 
۲- جشنواره‌کێو شێعره‌و زاڕۆڵاو هه‌ورامانی 
۳- شه‌وه‌ شێعرێ و عه‌سره‌ شێعرێ
۴- په‌رده‌ لا دای جه‌ کتێبه‌ چاپ کریاکا
۵- قه‌دٚر گێرته‌ی جه‌ که‌سایه‌تیه‌کاو هه‌ورامانی
۶- جه‌شنوارێ و مه‌راسمێ¬ته‌رێ پێسه‌و جه‌شنواره‌ی ملی شێعره‌ی کوردیه‌و هه‌ورامانی، ئایینوو قدٚر گێرته‌ی جه‌ ژه‌نه‌ قه‌ڵه‌م به‌ ده‌سا، ئایینوو قه‌دٚر گێرته‌ی جه‌ ئه‌سحابوو ڕه‌سانه‌ی و…

فه‌سڵوو په‌نجی: چه‌م‌په‌نه‌که‌وتێ
دیدار چنی ئێمام جومعه‌ی، دیدار چنی شه‌ورا و شارداری، دیدار چنیڕه‌ئیسوو دانشگای، دیدار چنی که‌سایه‌تیه‌کا.

فه‌سڵوو ششی: ده‌نگنامه‌کێو شنه‌و فه‌رهه‌نگوو هه‌ورامانی

فه‌سڵوو حه‌فتی: چن هه‌رمانێ‌ته‌رێ فه‌رهه‌نگیێ
۱- فه‌رهه‌نگستانوو زوانی هه‌ورامی
۲- مه‌جه‌له‌و ئاوه‌زی
۳- ئایینوو شه‌وچه‌ره‌ی

فه‌سڵوو هه‌شتی: سنۆقوو پاڵپه‌شتی جه‌ نویسه‌راو هه‌ورامانی(واران)
۱- ئه‌ساسنامه‌و سنۆقی
۲- ئه‌ره‌نیشته‌ په‌ی ئه‌ره‌مه‌رزنای سنۆقوو پاڵپه‌شتی جه‌ نویسه‌راو هه‌ورامانی
۳- ئه‌ره‌نیشته‌و مه‌جمه‌ع عموومی په‌ی هۆرچنیه‌و هه‌یئه‌ت مودیره‌و سنۆقی
۴- ئه‌ندامێو ئه‌ره‌مه‌رزنه‌روو سنۆقوو وارانی
۵- ئه‌ندامێ پاڵپه‌شتی سنۆقوو وارانی
۶- ئا کتێبێ که‌ تا به‌ ئارۆ سنۆقی چاپ که‌ردٚێنێ

فه‌سڵوو نۆی: ئه‌ندامێ شنه‌و فه‌رهه‌نگوو هه‌ورامانی
ئه‌چی فه‌سڵه‌نه‌ گردوو ئه‌نداماو شنه‌و فه‌رهه‌نگوو هه‌ورامانی باس کریاینێ و کارتوو ئه‌نجومه‌نیچشا و عه‌کسیچشا نریانه‌ره‌ هه‌ر پاسه‌ ئا ئازیزێ که‌ چنێ ئه‌ره‌مه‌رزیاو شنه‌ی هامکاریشا بیه‌ن هم باسشا کریان و هه‌م عه‌کسیچشا نریانه‌ره‌.

فه‌سڵوو ده‌ی وێنه‌ و به‌ڵگه‌
ئه‌چی فه‌سڵه‌نه‌ بڕێو وێنو مه‌راسمه‌کا و ئه‌ره‌نیشته‌کاو ئه‌نجومه‌نی و هه‌ر پاسه‌ بڕێو به‌ڵگێ ئێداریێو ئه‌ره‌مه‌رزیاو شنه‌ی نریاینێره‌.

فه‌سڵوو یانزه‌ی: شێعرێ و وتار په‌ی شنه‌ی
ئی فه‌سڵیچه‌ تایبه‌ته‌ به‌ شێعره‌ و وتارێو جه‌ باره‌و شنه‌و فه‌رهه‌نگوو هه‌ورامانی

و جه‌ ئاخریچه‌و ڕێزچنوو نامه‌کان