ئارۆ مەسعود پزیشکیان سەرۆککۆماروو ئێرانی دماو دیدارەکاش بەغدانە سەرێ هەرێموو پانیشتوو کوردسانیش دا، پزیشکیان ئەوەڵ هەولێرنە چەنی نێچیرڤان بارزانی سەرۆکوو هەرێموو پانیشتوو کوردستانی و دماییچ چەنی مەسعود بارزانی سەرۆکوو پەدەکەی کۆ بییۆ.

دماو دیدارەکاش چەنی پەدەکە، پزیشکیان سەرێ سلێمانییش دا، فڕۆکەخانەو سلێمانیینە سەرۆکوو یەنەکەی بافڵ تاڵەبانیی خێرامای کەرد.

پزیشکیان سەرێ قەبرەو جەلال تاڵەبانییچش دا و دەباشانەنە چەنی سەرۆکوو یەنەکەی کۆ بۆوە.

دماو سەردایەکەیش پەی سلێمانیی پزیشکیان سەرێو چند شارێوە تەروو عێراقی مدۆ.

دماو بییەش بە سەرۆککۆمار، ئینە ئەوەڵ گەشتوو بەروو مەسعود پزیشکیانین پەی بەروو ئێرانی.